Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
ДУШАНБЕ, 15.07.2025 /АМИТ «Ховар»/. Дар шаҳри Хуҷанд дар доираи Экспедитсияи байналмилалии «Сафар ба қалби Авруосиё-2025» таҳти унвони «Суғд – чорроҳаи таърихии Роҳи Бузурги Абрешим» форуми тиҷоратӣ баргузор гардид. Дар ин хусус ба АМИТ «Ховар» аз Палатаи савдо ва саноати Ҷумҳурии Тоҷикистон хабар доданд.
Форум намояндагони доираҳои соҳибкорӣ, сармоягузорон, коршиносон ва иштирокчиёни экспедитсияро аз кишварҳои мухталиф гирди ҳам овард. Мақсади форуми тиҷоратӣ аз фароҳам овардани заминаи муколамаи мустақим байни соҳибкорони маҳаллӣ ва сармоягузорони хориҷӣ, муаррифии имконоти сармоягузории минтақа ва муҳокимаи дурнамои рушди робитаҳо дар соҳаи сайёҳӣ иборат буд.
Муовини Раиси вилояти Суғд Анвар Яъқубӣ дар форум иброз намуд, ки «вилояти Суғд ҳамеша дар Роҳи Бузурги Абрешим нақши калидӣ доштааст ва имрӯз омода аст бори дигар ба нуқтаи муҳими тиҷорати байналмилалию сармоягузорӣ табдил ёбад. Аҳамияти стратегии минтақа, мавқеи ҷуғрофӣ ва захираҳои бой онро барои рушди кишоварзӣ, саноат, туризм ва логистика ҷолиб мегардонанд».
Раиси Шурои кории Русияву Тоҷикистон, директори генералии Ташкилоти мустақили ғайритиҷоратӣ «Маркази байналмилалии ҳамгироии минтақавӣ» ва раиси Кумитаи тадорукоти Экспедитсияи байналмилалии «Сафар ба қалби Авруосиё-2025» Ислом Назаралиев, ки экспедитсияи сайёҳиро роҳбаладӣ менамояд, аҳамияти рушди муносибатҳои бисёрҷонибаро таъкид намуд.
Ба иттилои ӯ, Экспедитсияи байналмилалии «Сафар ба қалби Авруосиё-2025» бо мақсади муаррифии мероси фарҳангӣ, таҳкими дӯстӣ, густариши ҳамкории минтақавӣ, омӯзиши таърихи Авруосиё ва рушди соҳаи сайёҳӣ ташкил карда шудааст.
Ин экспедитсия на танҳо роҳи муштараки фарҳангӣ-таърихӣ, балки пайванди мустаҳкаме барои ояндаи дурахшони минтақа хоҳад шуд. Ҳамзамон он дӯстиро абадӣ гардонида, ҳамкориро таҳким бахшида, ба наслҳои оянда мероси неки ваҳдати умумиро боқӣ мегузорад.
АКС: Палатаи савдо ва саноати Ҷумҳурии Тоҷикистон
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Форуми соҳибкорони Тоҷикистон ва Амороти Муттаҳидаи Араб баргузор мегардад
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
