Дар Тоҷикистон беш аз 18 ҳазор нафар забони олмониро меомӯзанд
ДУШАНБЕ, 02.07.2025. /АМИТ «Ховар»/. Дар айни замон дар шаш муассисаи таҳсилоти олии касбии Тоҷикистон 1708 нафар донишҷӯён забони олмонӣ меомӯзанд. Инчунин дар муассисаҳои таҳсилоти миёнаи умумӣ зиёда аз 17 ҳазору 100 хонанда ба омӯзиши забони олмонӣ ҷалб гардидаанд. Чунин иттилоъ дода шуд зимни вохӯрии Вазири маориф ва илми Ҷумҳурии Тоҷикистон Раҳим Саидзода ва Президенти Ландтаги музофоти федеролии Саксония-Анҳалти Ҷумҳурии Федеративии Олмон Гуннар Шелленберген.
Тавре дар маркази матбуоти Вазорати маориф ва илм хабар доданд, зимни вохӯрӣ ҷонибҳо масъалаҳои таҳкими робитаҳои дуҷониба дар самти маориф ва илмро мавриди баррасӣ қарор доданд. Рушди ҳамкорӣ бо Ҷумҳурии Федеративии Олмон барои Тоҷикистон дорои аҳаммияти стратегӣ буда, заминаи муҳимми рушди низоми таҳсилот ва илмро фароҳам меорад.
Вазорати маориф ва илм пешниҳод намуд, ки робитаҳои мустақим байни муассисаҳои таҳсилоти олии касбии Тоҷикистону Олмон амалӣ гардида, мубодилаи барномаҳои инноватсионӣ ва тадқиқоти муштараки илмӣ байни муассисаҳо густариш ёбанд.
Курсҳои омӯзиши забони олмонӣ барои такмили малакаи омӯзгорон ташкил карда шуда, ҳамкорӣ байни Маркази барномаҳои байналмилалӣ ва сохторҳои илмии Олмон таҳким ёбанд, намояндагии фондҳои бурсиявии олмонӣ дар назди Маркази барномаҳои байналмилалӣ таъсис дода шавад. Инчунин пешниҳод гардид, ки донишҷӯёне, ки забони олмониро дар сатҳи муошират аз худ намудаанд, ба барномаҳои таҷрибаомӯзӣ ва корҳои мавсимӣ дар Олмон ҷалб гарданд.
Зимни вохӯрӣ инчунин пешниҳод шуд, ки барои рушди захираҳои инсонӣ ва густариши заминаҳои маориф, аз зинаи таҳсилоти томактабӣ то таҳсилоти олии касбӣ чораҳои мушаххас андешида шаванд. Аз ҷумла, таъсиси боғча ва гимназияи хусусӣ бо забони олмонӣ, омодасозии мутахассисон дар шакли дуалӣ бо ҷалби таҷрибаомӯзӣ дар корхонаҳо, таъсиси донишгоҳи хусусии муштарак бо риштаҳои гуногуни таҳсилот, таъсиси марказҳои забономӯзӣ дар заминаи донишгоҳҳо ва таҳкими ҳамкориҳо дар самтҳои илмҳои геологӣ, энергетика ва дигар бахшҳои муҳим амалӣ карда шаванд.
АКС: Маркази матбуоти Вазорати маориф ва илми Ҷумҳурии Тоҷикистон
«ЗАБОН ДОНӢ — ҶАҲОН ДОНӢ». Ғолибони озмуни ҷумҳуриявӣ аз рӯйи 12 равия қадрдонӣ карда шуданд
Байни Донишгоҳи давлатии омӯзгории Тоҷикистон ва Донишгоҳи миллии Ҷонбуки Корея ёддошти тафоҳум ба имзо расид
ЭҲТИРОМИ ОМӮЗГОР — ЭҲТИРОМИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
Аҳлиддин Ибодуллозода: «Омӯзгор ба сифати шахси мафкурасоз ва инсони ҷомеасоз шинохта мешавад»
Омӯзгор Бунафша Сарҳадова: «Ғамхории рӯзафзуни Ҳукумати Тоҷикистон моро ба пешаамон бештар ҳавасманд месозад»
Бахшида ба Рӯзи забони давлатӣ дар Донишгоҳи технологии Тоҷикистон конфронси илмӣ-амалӣ доир гардид
ҚОНУНИ ҶУМҲУРИИ ТОҶИКИСТОН «ДАР БОРАИ МАҚОМИ ОМӮЗГОР». Ба корҳои ба раванди таълиму тарбия алоқаманд набуда ҷалб кардани омӯзгор манъ аст
Забони тоҷикӣ шиносномаи миллат, руҳи поки гузаштагон ва оинаи осори ниёгон аст
ДАСТГИРИИ ОМӮЗГОРОН. Маоши вазифавии кормандони муассисаҳои томактабӣ ва таҳсилоти миёнаи умумӣ 30 фоиз зиёд гардид
«ОМӮЗГОРӢ — КАСБИ ПУРИФТИХОР». Дар шаҳри Хуҷанд Рӯзи омӯзгорон таҷлил карда шуд
ТАВСИЯИ МУТАХАССИС. Фарзанди шумо ба синфи якум рафт. Чӣ тавр бояд ба ӯ кумак расонд?
«ОМӮЗГОР — ЧАРОҒИ МАЪРИФАТ ВА СУТУНИ ҶОМЕА». Дар шаҳри Кӯлоб Рӯзи омӯзгоронро таҷлил намуданд
