Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
ДУШАНБЕ, 29.07.2025 /АМИТ «Ховар»/. Донишгоҳи байналмилалии сайёҳӣ ва соҳибкории Тоҷикистон ҳамкориро бо донишгоҳҳои байналмилалии ҷаҳон тақвият медиҳад. Соли равон донишгоҳ бо 28 муассисаи таҳсилоти олӣ ва марказҳои таълимии илмии кишварҳои хориҷӣ созишномаҳои ҳамкорӣ ба имзо расонид.
Хабарнигори АМИТ «Ховар» иттилоъ медиҳад, ки ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода 29 июл зимни нишасти матбуотӣ ба хабарнигорон иброз намуд, ки дар ин давра робитаҳо бо донишгоҳҳо ва марказҳои таҳсилоти кишварҳои Индонезия, Корея, Чехия, Эстония, Чин, Гурҷистон, Русия ва Узбекистон густариш ёфтанд. Таъкид гардид, ки дар натиҷа теъдоди умумии созишномаҳои амалкунандаи Донишгоҳи байналмилалии сайёҳӣ ва соҳибкории Тоҷикистон бо шарикони хориҷӣ ба беш аз 270 адад расид. Ин бозгӯи баланд гардидани нуфуз ва эътирофи байналмилалии донишгоҳ мебошад.
Ҳамзамон Убайдулло Асрорзода афзуд, ки дар ин давра бо иштироки 10 омӯзгори хориҷӣ аз муассисаҳои пешрафтаи илмии Британияи Кабир, Ирландия, Чин, Ҳиндустон ва Покистон бо иштироки донишҷӯён ва устодони Донишгоҳи байналмилалии сайёҳӣ ва соҳибкории Тоҷикистон семинарҳои омӯзишӣ ва машғулият гузаронида шуданд. Ин ташаббус раванди табодули таҷрибаи пешқадамро тақвият дода, ба таҳкими иқтидории касбии ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон заминаи устувор ва мусоид фароҳам меорад.
Инчунин соли 2025 барои тақвияти ҳамкорӣ бо намояндагони муассисаҳои олии таълимии Индонезия, Чин, Испания, Британияи Кабир, Чехия, Швейтсария, Малайзия, Эстония, Ҳиндустон, Русия, Эрон, Гурҷистон, Қазоқистон ва Узбекистон 116 семинару машғулияти таълимӣ ва мулоқоти маҷозӣ гузаронида шуд.
Марзия САИДЗОДА,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Дар муассисаҳои таълимии Тоҷикистон низоми баҳогузории 10-хола чӣ натиҷа дод?
Рушди ҳамкории Донишгоҳи байналмилалии сайёҳӣ ва соҳибкории Тоҷикистон ва Ассотсиатсияи донишгоҳҳои Британияи Кабир баррасӣ гардид
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
НИШАСТИ МАТБУОТӢ. Соли 2026 музди маоши кормандони Донишгоҳи давлатии Бохтар 10 фоиз баланд бардошта мешавад
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Ҷадвали «Тақвими чорабиниҳои Иди байналмилалии Наврӯз дар шаҳри Душанбе барои соли 2026» ба тасвиб расид
