Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст

 ДУШАНБЕ, 10.07.2025. /АМИТ «Ховар»/. Дар шаш моҳи соли равон аз Ҷумҳурии Тоҷикистон ба хориҷи мамлакат  90 ҳазору 280 тонна маҳсулоти кишоварзӣ содирот гардидааст, ки нисбат ба ҳамин давраи соли гузашта 13 ҳазору 156 тонна зиёд мебошад. Дар ин хусус ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд.

Маҳсулоти кишоварзӣ ба 26 давлати ҷаҳон, ки аз он 89 фоиз ба мамлакатҳои Иттиҳоди Давлатҳои Мустақил ва 11 фоиз ба давлатҳои хориҷи дур рост меояд, содирот шудааст.

Ҳаҷми умумии  маҳсулоти кишовразӣ ба гузаргоҳҳои раёсатҳои минтақавии вилояти Суғд 80,0 ҳазор тонна, вилояти Хатлон 5,2 ҳазор тонна, шаҳри Турсунзода 4,6 ҳазор тонна, шаҳри Душанбе 189 тонна ва Вилояти Мухтори Кӯҳистони Бадахшон 66 тонна рост меояд.

АКС: АМИТ «Ховар»