Кишоварзони Тоҷикистон дар беш аз 21 ҳазор гектар бо усули обёрии зери плёнка чигит кишт намуданд
ДУШАНБЕ, 25.07.2025 /АМИТ «Ховар»/. Имсол кишоварзони мамлакат бо истифода аз тамоми имконот дар и 182 ҳазору 466 гектар пунбадона кишт намуданд, ки ба 97,6 фоизи иҷрои дурнамо баробар мебошад. Дар ин хусус 25 июл зимни нишасти матбуотии Вазорати кишоварзии Ҷумҳурии Тоҷикистон ба хабарнигорон иттилоъ дода шуд.
Муовини якуми Вазири кишоварзии Ҷумҳурии Тоҷикистон Нуралӣ Асозода дар нишасти матбуотӣ иттилоъ дод, ки соли равон нахустин маротиба дар беш аз 21 ҳазор гектар бо усули обёрии зери плёнка чигит кишт карда шуд.
Зимни нишасти матбуотӣ хабарнигорон аз коҳиш ёфтани ҳосилнокии пахта дар ҷумҳурӣ изҳори нигаронӣ намуданд. Нуралӣ Асозода вобаста ба ин масъала иброз дошт, ки таҳлилҳо нишон медиҳад хоҷагиҳои деҳқоние, ки бо усули обёрии зери плёнка чигит кишт кардаанд, ҳосили зиёд ба даст меоранд.
«Масалан, агарчӣ мо ҳосилнокии хоҷагиҳои деҳқонии пахтакорро ба ҳисоби миёна 20-сентнерӣ ҳисоб карда бошем, онҳо то 40-48-сентнерӣ ҳосил ҷамъоварӣ намудаанд, ки ин натиҷаи зери плёнка кишт намудани пунбадона мебошад»,-гуфт Нуралӣ Асозода.
Бо мақсади баланд бардоштани ҳосилнокии пахта минбаъд дар Тоҷикистон чигит бо истифода аз технологияи муосир кишт карда мешавад. Соли равон ба ҷумҳурӣ 125 техникаи тухмипошаки зери плёнка ворид гардид, ки ба беҳтар ва осон намудани кори деҳқонон мусоидат менамояд.
Ба иттилои масъулини Вазорати кишоварзии Тоҷикистон барои кишт намудани чигит бо усули муосир тамоми шароит фароҳам оварда шуда, танҳо зарур аст пахтакорон аз онҳо самаранок истифода намоянд.
Муовини якуми Вазири кишоварзии Тоҷикистон Нуралӣ Асозода гуфт, ки кишти чигит дар зери плёнка чанд омили мусбат дорад: ягонакунии ниҳолҳо ва коркарди байни қаторҳо аз байн меравад, зеро дар замини бо плёнкаи полиэтиленӣ пӯшида тухми пунбадона ва об сарфа мегардад, ковок меистанд ва сахт намешаванд. Дар ин усул, пеш аз ҳама, об захира мегардад ва ҳосили зиёд рӯёнида мешавад. Инчунин ба воситаи қубурҳои обтақсимкунанда сари вақт ба ниҳолҳои пахта нуриҳои минералӣ дода мешаванд.
Моҳинави НАВРӮЗ,
АМИТ «Ховар»
АКС: АМИТ «Ховар»
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
