Коргузории электронӣ-ҷузъи муҳими низоми муосири идоракунӣ. Бардошт аз машғулияти омӯзишӣ дар корхонаи «Роҳи оҳани Тоҷикистон»
ДУШАНБЕ, 24.07.2025. /АМИТ «Ховар»/. Дар Корхонаи воҳиди давлатии «Роҳи оҳани Тоҷикистон» дар мавзуи «Низоми ягонаи гардиши ҳуҷҷатҳои электронӣ» машғулияти омӯзишии коргузорӣ баргузор гардид. Дар ин хусус ба АМИТ «Ховар» аз ин корхона хабар доданд.
Дар машғулияти омӯзишӣ иброз гардид, ки сол аз сол ҷаҳон рақамӣ шуда, мавзуи рақамисозии идоракунии давлатӣ торафт муҳимтар мегардад. Яке аз ҷанбаҳои муҳимми ин раванд гузариш ба гардиши ҳуҷҷатҳои электронӣ дар мақомоти давлатӣ мебошад, ки на танҳо зарурати техникӣ, балки қадами муассир дар самти беҳтар намудани фаъолияти сохторҳои давлатӣ, баланд бардоштани шаффофият, фаврият, бехатарии гардиши ҳуҷҷатҳо ва беҳтар намудани сифати хизматрасонӣ ба шаҳрвандон арзёбӣ мегардад.
Таъкид гардид, ки коргузории электронӣ ҷузъи муҳимми низоми муосири идоракунӣ ва гардиши ҳуҷҷатҳо мебошад. Он имкон медиҳад, ки ҳуҷҷатҳо ба таври электронӣ эҷод, коркард, нигоҳдорӣ ва интиқол дода шаванд. Ин ба суръатбахшии равандҳо ва кам кардани хароҷоти кори коғазӣ ва сарфаи вақт таъсири назаррас дорад.
Ҳамзамон дар машғулият яке аз ҳадафҳои асосии рақамисозиро беҳтар кардани сифати хизматрасонии аз ҷониби мақомоти давлатӣ пешниҳодшаванда унвон намуданд. Муомилоти электронии ҳуҷҷатҳо ба шаҳрвандон имкон медиҳад, ки маълумоти заруриро зудтар ба даст оранд, ба мақомот ариза ва дархостҳо пешниҳод карда, раванди баррасии онҳоро дар реҷаи вақти воқеӣ назорат намоянд. Ин ҳамкорӣ бо давлатро осонтар карда, вақти камтарро мегирад ва ба фароҳам овардани муҳити бароҳат ва самаранок барои шаҳрвандон мусоидат менамояд.
Ёдовар мешавем, ки солҳои охир таваҷҷуҳ ба иқтисоди рақамӣ ба яке аз ҳадафҳои муҳимми ҳукумат табдил ёфтааст. Ин аст, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ бо мақсади вусъат бахшидан ба равандҳои инноватсионӣ ва истифодаи ҳамаҷонибаи имконияти технологияҳои рақамӣ дар иқтисодиёт пешниҳод намуданд, ки солҳои 2025 – 2030 Солҳои рушди иқтисоди рақамӣ ва инноватсия эълон карда шаванд.
АКС: Корхонаи воҳиди давлатии «Роҳи оҳани Тоҷикистон»
Тоҷикистон дар самти гузариш ба энергетикаи «сабз» саъю талоши пайваста менамояд
4 ОКТЯБР — РӮЗИ БАЙНАЛМИЛАЛИИ ҲИФЗИ ҲАЙВОНОТ. Дар Тоҷикистон беш аз 13 ҳазор намуди ҳайвонот муайян гардидааст
Тоҷикистон ба панҷгонаи давлатҳои бештар осебпазир аз оқибатҳои тағйирёбии иқлим дохил мегардад
Тоҷикистон ҳамкориро бо Қирғизистон ва Русия дар самти муқовимат ба коррупсия густариш медиҳад
Раёсат дар Шурои байнидавлатии муқовимат ба коррупсияи ИДМ аз Тоҷикистон ба Арманистон гузашт
Масоили муҳими ҳамкории дуҷониба ва бисёрҷониба байни Тоҷикистон ва Русия баррасӣ гардид
Дар Остона таҳкими ҳамкории Тоҷикистону Қазоқистон дар соҳаи энергетика баррасӣ гардид
Дар Душанбе масъалаи ҷамъоварии омори тандурустӣ дар доираи стандартҳои байналмилалӣ баррасӣ шуд
Имрӯз дар Душанбе Намоишгоҳи байналмилалии сохтмонии «TAJBUILD» ба анҷом мерасад
14-16 октябр Форуми байналмилалии сармоягузории «Dushanbe Invest-2025» баргузор мешавад
Роҳҳои тавсеаи ҳамкории Тоҷикистон бо Арманистон ва Беларус дар самти муқовимат ба коррупсия баррасӣ шуданд
Тоҷикистон ва IRENA дар самти манбаъҳои барқароршавандаи энергия ҳамкориро густариш медиҳанд
