НИШАСТИ МАТБУОТӢ. Дар Донишгоҳи технологии Тоҷикистон дар самти зеҳни сунъӣ, инноватсия ва иқтисоди рақамӣ 14 ихтисоси нав таъсис дода шуд
ДУШАНБЕ, 24.07.2025 /АМИТ «Ховар»/. Дар доираи Солҳои рушди иқтисоди рақамӣ ва инноватсия (2025-2030) ва дар асоси дастуру супоришҳои Пешвои миллат муҳтарам Эмомалӣ Раҳмон дар самти зеҳни сунъӣ, инноватсия, иқтисоди рақамӣ ва технологияҳои иттилоотию барномасозӣ 14 ихтисоси нав таъсис дода шуд. Рӯйхати ин ихтисосҳо дар барномаи Маркази миллии тестии назди Президенти Ҷумҳурии Тоҷикистон ҷойгир гардидааст, ки имсол довталабон аз рӯйи он ба донишгоҳ қабул мегарданд. Дар ин хусус имрӯз ректори Донишгоҳи технологии Тоҷикистон Зоир Раҳмонзода зимни нишасти матбуотӣ ба хабарнигорон иттилоъ дод.
«Дар марҳалаи нави тараққиёти ҷумҳурӣ таъмини рушди бонизоми зеҳни сунъӣ, рақамикунонии иқтисодиёти миллӣ ва технологияҳои инноватсионӣ яке аз самтҳои афзалиятноки сиёсати пешрафтаи давлат мебошад. Аз ин рӯ ин ихтисосҳое, ки дар донишгоҳ ба роҳ монда шудаанд, тақозои замон буда, ба талаботи бозори меҳнат ҷавобгӯ мебошанд»,-иброз дошт Зоир Раҳмонзода.
Иттилоъ дода шуд, ки соли 2025 Донишгоҳи технологии Тоҷикистонро 476 нафар дар шуъбаи рӯзона хатм намуд ва 439 нафари онҳо соҳиби ҷойи кор гардид. Ин нишондиҳанда нисбат ба соли 2024 9,8 фоиз зиёд мебошад.
Дар ин давра донишгоҳ бо 10 корхона шартномаи ҳамкорӣ баст, ки тибқи он донишҷӯён ва хатмкунандагони донишгоҳ ба таҷрибаомӯзии истеҳсолӣ рафта, бо шуғл фаро гирифта мешаванд.
Танҳо дар як соли охир 33 ихтирои донишҷӯёну устодони донишгоҳ дар озмунҳои ҷумҳуриявию байналмилалӣ ҷойҳои ифтихориро касб намуданд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
