НИШАСТИ МАТБУОТӢ. Дар Тоҷикистон 30 маротиба корҳои омӯзишӣ, таҳқиқотӣ ва экспедитсионӣ оид ба омӯзиши қабати барф гузаронида шуданд
ДУШАНБЕ, 25.07.2025 /АМИТ «Ховар»/. Бо мақсади иҷрои «Барномаи давлатии омӯзиш ва ҳифзи пиряхҳои Ҷумҳурии Тоҷикистон барои солҳои 2010-2030» соли 2025 дар фасли зимистон 30 маротиба корҳои омӯзишӣ, таҳқиқотӣ ва экспедитсионӣ оид ба омӯзиши қабати барф бо усули пиёда, 1 маротиба мушоҳидаҳо бо воситаи чархбол (аэровизуалӣ), 5 экспедитсия ба пиряхҳо, кӯлҳои пиряхӣ, минтақаҳои селфаро ва тармафаро гузаронида шуд. Чунин иброз дошт имрӯз зимни нишасти матбуотӣ ба хабарнигорон Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода.
«Аз рӯи мушоҳидаҳо ҳисобот ва бюллетенҳои захираи барф дар ҳавзаҳои дарёҳои ҷумҳурӣ ҳар даҳрӯза ва моҳона омода гашта, ба Ҳукумати Ҷумҳурии Тоҷикистон ва вазорату идораҳои дахлдор пешниҳод гардиданд. Зимни таҳлили маълумоти обуҳавошиносӣ ва захираи барф дар минтақаҳои кӯҳӣ ва доманакӯҳии мамлакат хатари зуҳуроти тарма пешгӯӣ шуда, дурустии пешгӯиҳо давоми нимсолаи якуми соли равон 90 фоизро ташкил дод»,-афзуд Баҳодур Шерализода.
Бо дахли ташаббусҳои ҷаҳонии Тоҷикистон дар масоили ҳифзи пиряхҳо иброз гардид, ки бо мақсади иҷрои қарори Ҳукумати Ҷумҳурии Тоҷикистон «Дар бораи амалигардонии қатъномаи Маҷмаи Умумии Созмони Милали Муттаҳид оид ба соли 2025 ҳамчун «Соли байналмилалии ҳифзи пиряхҳо» 29-31 майи соли 2025 дар шаҳри Душанбе Конфронси байналмилалӣ оид ба ҳифзи пиряхҳо бо иштироки беш аз 2600 нафар аз 90 давлати дунё баргузор гардид. Дар доираи он ду ҷаласаи умумӣ, 12 нишасти мавзуӣ, 2 мизи мудаввари сатҳи баланд ва 25 чорабинии ҳамроҳ гузаронида шуд. Дар ҳамкорӣ бо вазорату идораҳои дахлдори ҷумҳурӣ ва Мақомоти иҷроияи ҳокимияти давлатии шаҳри Душанбе дар Боғи фарҳангиву фароғатии «Наврӯзгоҳ» 29 майи соли равон «Фестивали пиряхҳо» дар сатҳи баланд баргузор гардид.
Инчунин дар Агентии обуҳавошиносии Кумита «Форуми минтақавӣ оид ба мониторинги пиряхҳо ва криосфера дар Осиёи Марказӣ» доир шуд. Дар ҳошияи он бо иқдоми Кумитаи ҳифзи муҳити зист ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Ассотсиатсияи дав ва марафонҳои Тоҷикистон дар мавзеи «Сафеддара» бо иштироки намояндагони Ҳукумати ҷумҳурӣ ва меҳмонону ҳавасмандон дави экологӣ барои пиряхҳо — «Eco-Run For Glacier» баргузор шуд. Ғолибони он бо ҷоизаҳо ва туҳфаҳои хотиравӣ қадрдонӣ карда шуданд.
Марзия САИДЗОДА,
АМИТ «Ховар»
АКС: АМИТ «Ховар»
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
