НИШАСТИ МАТБУОТӢ. Иншооти энергетикии Тоҷикистон дар рушди соҳа нақши муассир мегузоранд
ДУШАНБЕ, 25.07.2025 /АМИТ «Ховар»/. Дар нимсолаи якуми соли 2025 дар ҷумҳурӣ якчанд иншооти муҳими энергетикӣ ба истифода дода шуданд, ки дар рушди соҳаи энергетикаи мамлакат нақши муассир мегузоранд. Чунин иброз намуд Вазири энергетика ва захираҳои оби Ҷумҳурии Тоҷикистон Далер Ҷумъа имрӯз зимни нишасти матбуотӣ ба хабарнигорон.
Дар ин давра хати интиқоли барқи 500 кВ «Датка – Суғд» дар доираи лоиҳаи минтақавии интиқоли неруи барқи CASA-1000 мавриди истифода қарор гирифт. Инчунин зимни сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Вилояти Мухтори Кӯҳистони Бадахшон Неругоҳи барқи обии «Себзор» (бо иқтидори 11 МВт) дар ноҳияи Роштқалъа, 2 неругоҳи барқи офтобӣ (3,25 МВт ва 1,62 МВт батарея) дар ноҳияи Мурғоб, 4 неругоҳи хурди барқи обӣ (дар маҷмуъ, 451 кВт) дар ноҳияҳои Дарвоз ва Рӯшон, зеристгоҳи барқии 110/35/10 кВ «Ҷангал» дар ноҳияи Рӯшон ба истифода дода шуданд.
Вазири энергетикаи мамлакат афзуд, ки сохтмони неругоҳи барқи офтобӣ бо иқтидори 3 МВт дар ноҳияи Шуғнон, 42 км хати интиқоли барқи дузанҷираи 110 кВ «Вомар-Возванд» дар ноҳияи Рӯшон ва зеристгоҳи 110/35-киловолтаи «Қозидеҳ» дар Ишкошим шуруъ гардид.
Таъкид гардид, ки рушди соҳаи энергетика дар мамлакат, ки яке аз чор ҳадафи стратегии Ҳукумати Ҷумҳурии Тоҷикистон мебошад, ҳамеша дар маркази таваҷҷуҳи Президенти Тоҷикистон муҳтарам Эмомалӣ Раҳмон қарор дошта, дар ин замина тадбирҳои зарурӣ андешида мешаванд.
АКС: АМИТ «Ховар»
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
