35-СОЛАГИИ ИСТИҚЛОЛИ ДАВЛАТӢ. Дар Спитамен коргоҳи пойафзолдӯзӣ, мактаб–кӯдакистон ва маркази саломатӣ бунёд карда мешавад
ДУШАНБЕ, 16.08.2025 /АМИТ «Ховар»/. Дар ноҳияи Спитамени вилояти Суғд ба истиқболи 35-солагии Истиқлоли давлатии Ҷумҳурии Тоҷикистон бо саҳми мақомоти давлатӣ, аҳолӣ ва соҳибкорон корҳои ободонию созандагӣ идома доранд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Иттилоъ дода шуд, ки бо дастгирии соҳибкорон дар деҳаи Саидқалъаи Ҷамоати деҳоти Истиқлол сохтмони бинои бисёрошёнаи истиқоматӣ бо марказҳои савдо ва хизматрасонӣ, коргоҳи пойафзолдӯзӣ, мактаб–кӯдакистон ва маркази саломатӣ идома дорад. Баъди ба истифода супоридани ин чор иншооти муҳим даҳҳо нафар сокинон бо ҷойи кори доимӣ ва маоши муносиб таъмин мегарданд.
Дар ноҳияи Спитамен ба бунёду таъмири муассисаҳои тандурустӣ таваҷҷуҳи махсус зоҳир мегардад. Таъмиру навсозӣ ва таҷҳизи беморхонаи марказии ноҳия имкон медиҳад, ки сокинон дар шароити беҳтарин аз ташхису табобат баҳравар гарданд. Дар ин замина сохтмони маркази дилшиносии ноҳия, ки бо саҳми Ҷамъияти дорои масъулияти маҳдуди «Шараён Варид» бунёд мешавад, босуръат идома дорад. Ин марказ аз ду ошёна ва таҳхона иборат буда, баъди мавриди истифода қарор гирифтан сатҳу сифати хизматрасонии тиббиро боз ҳам боло мебардорад.
Дар ноҳияи Спитамен ҳамзамон ба ташкили корхонаҳои саноатӣ таваҷҷуҳи аввалиндараҷа зоҳир мегардад. Ҷамъияти дорои масъулияти маҳдуди «БТК Групп» тасмим гирифтааст, ки дар муддати кӯтоҳ корхонаи пахтатозакуниро бо иқтидори коркарди 100 тонна пахта дар як шабонарӯз ба истифода диҳад. Бо фаъол шудани корхона 25–30 нафар сокинони маҳаллӣ бо ҷойи кор таъмин мешаванд.
АКС: Хадамоти матбуоти Раиси вилояти Суғд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
Намоишгоҳи «Ихтироъкорон ва навоварони соҳаи нақлиёт» баргузор шуд
