Ҳаҷми сармояи «Амонатбонк» афзуда, 1 миллиард сомониро ташкил медиҳад
ДУШАНБЕ, 06.08.2025 /АМИТ «Ховар»/. «Амонатбонк» соли равон ба зиёда аз 17 ҳазор корхонаю ташкилот, 879 ҳазор нафақагир ва 2,2 миллион пасандозгузорон тавассути 75 филиал ва 547 маркази хизматрасонии бонкӣ бо иштироки беш аз 3 ҳазор корманд хизмат расонидааст.
Раиси Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода ин нуктаро 5 август дар ҷамъи хабарнигорон дар Душанбе зимни натиҷагирии фаъолияти «Амонатбонк» дар соли равон таъкид намуд.
Алиҷон Салимзода иброз намуд, ки дар ин давра фоидаи «Амонатбонк» то андозбандӣ ба 77 миллион сомонӣ расид, ки ин нишондиҳанда нисбат ба ҳамин давраи соли 2024 11 фоиз зиёд мебошад. Ҳамзамон гуфта шуд, ки ҳаҷми сармояи «Амонатбонк» дар ин давра 1 миллиард сомониро ташкил дод, ки нисбат ба ҳамин давраи соли 2024 12,4 фоиз афзоиш ёфтааст.
Инчунин дар ин давра «Амонатбонк» ба буҷетҳои ҷумҳуриявӣ ва маҳаллӣ дар маҷмуъ 62,1 миллион сомонӣ маблағҳои андоз ва дигар пардохтҳои ҳатмӣ пардохт намудааст, ки нисбат ба соли 2024 22,6 фоиз бештар аст.
Роҳбарияти «Амонатбонк» дар нишасти матбуотӣ изҳор намуд, ки Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» дар соли равон фаъолияти худро дар асоси дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки аз Паём ба Маҷлиси Олӣ бармеоянд ва қарорҳои Ҳукумати Ҷумҳурии Тоҷикистон ба роҳ монда, бо мақсади баланд бардоштани сатҳу сифати хизматрасонии бонкӣ ба аҳолӣ тадбирҳои муассир меандешад.
Марзия САИДЗОДА,
АМИТ «Ховар»
АКС: АМИТ «Ховар»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
Дар Тоҷикистон хизматрасонии интернети моҳворавии Starlink расман оғоз гардид
НИШАСТИ МАТБУОТӢ. Ба буҷети давлатӣ аз ҳисоби бақияи қарзи андозҳо беш аз 2 миллиард сомонӣ ворид карда шуд
Соли 2025 дороиҳои «Амонатбонк» 11 миллиард сомонӣ ва уҳдадориҳояш 9,9 миллиард сомониро ташкил дод
НИШАСТИ МАТБУОТӢ. Соли 2025 ҳаҷми маҷмуи маҳсулоти дохилӣ ба 176,9 миллиард сомонӣ баробар гардид
НИШАСТИ МАТБУОТӢ. Агентии назорати давлатии молиявӣ ва мубориза бо коррупсия 924,4 миллион сомонӣ зарари молиявӣ ошкор намуд
ҚУРБИ АСЪОР: 1 доллари ИМА аз 9.4239 то 9.4700 сомонӣ муқаррар шудааст
Соли 2025 ба буҷети давлатӣ аз ҳисоби пардохтҳои гумрукӣ 12 миллиарду 720,1 миллион сомонӣ ворид карда шуд
ҶАМЪБАСТИ НИШАСТҲОИ МАТБУОТӢ. 13 феврал дар якчанд вазорату идора нишасти матбуотӣ баргузор мегардад
