Агентии инноватсия ва технологияҳои рақамӣ рамзи расмии «Солҳои рушди иқтисоди рақамӣ ва инноватсия»-ро муаррифӣ менамояд
ДУШАНБЕ, 19.08.2025 /АМИТ «Ховар»/. Агентии инноватсия ва технологияҳои рақамии назди Президенти Ҷумҳурии Тоҷикистон рамзи расмии «Солҳои рушди иқтисоди рақамӣ ва инноватсия 2025-2030»-ро муаррифӣ менамояд, иттилоъ медиҳад АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон.
Ин рамз на танҳо унсури ҳувияти визуалӣ, балки рамзи қавии иродаи давлати мо дар роҳи бунёди экосистемаи пуриқтидори рақамӣ ва тақвияти инноватсияҳо буда, пешрафти технологиро ба манфиати ҳар шаҳрванди мамлакат фароҳам меоварад. Тарҳи рамз афзалияти асосии пайвастагӣ, рушд ва ҳамгироии технологияҳои пешрафтаро ба тамоми соҳаҳои иқтисод дар саросари мамлакат инъикос менамояд.
Агентии инноватсия ва технологияҳои рақамии назди Президенти Ҷумҳурии Тоҷикистон ҳамчун мақоми ваколатдори давлатӣ, ки масъули татбиқи сиёсати давлатӣ дар соҳаи инноватсия ва рақамикунонӣ мебошад, ин рамзро ҳамчун нишони ягона ва муттаҳидсозандаи тамоми ташаббусҳо дар доираи Солҳои рушди иқтисоди рақамӣ ва инноватсия (2025-2030) арзёбӣ менамояд.
Вазифаи асосии ин рамз аз баланд бардоштани шинохт ва нуфузи барномаҳо, лоиҳаҳо ва чорабиниҳои миллӣ дар соҳаи рақамӣ, мусоидат ба ҳамкории мутақобили судманд байни давлат, бахши хусусӣ, доираҳои илмӣ ва ҷомеаи шаҳрвандӣ, таъмини садоқати Ҷумҳурии Тоҷикистон ба ҳамкории рақамии ҷаҳонӣ иборат мебошад.
Мутахассисони Агентии инноватсия ва технологияҳои рақамии назди Президенти Ҷумҳурии Тоҷикистон бо ифтихор аз дастовардҳои рақамӣ саъй менамоянд, ки талошҳои муштаракро дар самти бунёди иқтисоди инноватсионӣ ва донишбунёд тақвият диҳанд.
Рамзи мазкур дар тамоми чорабиниҳо, муошират ва пойгоҳҳои расмӣ, ки ба Солҳои рушди иқтисоди рақамӣ ва инноватсия (2025-2030) вобастагӣ доранд, истифода шуда, симои ягона ва шинохташавандаи ҳадафҳои умумиро таъмин хоҳад кард.
Агентии инноватсия ва технологияҳои рақамии назди Президенти Ҷумҳурии Тоҷикистон аз тамоми шарикон, навоварон ва шаҳрвандон даъват менамояд, ки ин рамзро дастгирӣ намуда, дар бунёди ояндае саҳм гузоранд, ки дар он технологияҳо ба рушди устувор, таҳкими иқтисод ва беҳтар гардидани сифати зиндагии ҳар шаҳрванд мусоидат намоянд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
