Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд

Август 9, 2025 12:00

ДУШАНБЕ, 09.08.2025 /АМИТ «Ховар»/. Дар шашмоҳаи якуми соли равон мутахассисони Агентии назорати давлатии молиявӣ ва мубориза бо коррупсияи Ҷумҳурии Тоҷикистон 246 тафтишу санҷиш гузаронида, дар натиҷа ба маблағи 624,1 миллион сомонӣ зарари молиявӣ ошкор намуданд. Дар ин хусус директори Агентӣ Сулаймон Султонзода 8 август зимни нишасти матбуотӣ иттилоъ дод.

Таъкид гардид, ки бо андешидани тадбирҳои зарурӣ 616 миллион сомонӣ ё 98,7 фоизи зарари молиявӣ барқарор карда шуд. Ҳамзамон аз ҳисоби тадбирҳои иловагӣ, аз ҷумла рӯёнидани бақияпулиҳои андоз, зарарҳои ошкоршудаи соли қаблӣ ва даромад кардани зиёдомади молу мулк 21,9 миллион сомонии дигар барқарор гардид, ки ҷамъан 637,9 миллион сомонӣ ба манфиати давлат баргардонда шудааст.

«Илова бар ин, тавассути чораҳои иловагӣ, аз ҷумла таъйини ҷаримаҳои маъмурӣ ва рӯёнидани қарзи андозҳо 23,7 миллион сомонӣ ба буҷети давлат ворид карда шуд. Дар маҷмуъ, мақомоти Агентӣ дар шашмоҳаи якуми соли 2025 аз рӯи ҳамаи самтҳои фаъолият 661,6 миллион сомонӣ маблағҳоро барқарор намуданд. Аз ин миқдор 267,9 миллион сомонӣ бевосита ба суратҳисобҳои буҷети давлатӣ ва 384 миллион сомонӣ ба корхонаҳо ва ташкилоту муассисаҳои давлатӣ, инчунин 9,7 миллион сомонӣ ба ҷомеаҳои ғайридавлатӣ ва шаҳрвандон рост меояд», — иттилоъ дод директори Агентӣ.

Гуфта шуд, ки воҳидҳои ҳифзи ҳуқуқи Агентӣ ҳамчунин 1245 ҷинояти коррупсионӣ, иқтисодии дорои хусусияти коррупсионӣ ва дигар ҷиноятҳои вобаста ба мақомотро нисбат ба 710 нафар ошкор намуданд. Тафтиши пешакии 571 парвандаи ҷиноятиро нисбат ба 528 нафар ба анҷом расонида, бо тасдиқи фикри айбдоркунӣ ба судҳо ирсол намуданд.

Шаҳлои САДРИДДИН,
АМИТ «Ховар»

АКС: АМИТ «Ховар»

Август 9, 2025 12:00

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст