Байни Палатаи савдо ва саноати Тоҷикистон ва Ассотсиатсияи саноат ва тиҷорати Синҷон‑Уйғури Чин Ёддошти тафоҳуми ҳамкорӣ ба имзо расид
ДУШАНБЕ, 08.08.2025. /АМИТ «Ховар»/. Дар Палатаи савдо ва саноати Ҷумҳурии Тоҷикистон вохӯрии иҷрокунандаи вазифаи Раиси Палатаи савдо ва саноати Ҷумҳурии Тоҷикистон Ҳайдар Раҷабзода бо ҳайати намояндагони ширкатҳо ва корхонаҳои Ассотсиатсияи саноат ва тиҷорати Корпуси истеҳсолию сохтмонии Синҷон‑Уйғури Ҷумҳурии Мардумии Чин баргузор гардид, ки зимни он Ёддошти тафоҳуми ҳамкорӣ ба имзо расид. Дар ин хусус ба АМИТ «Ховар» аз маркази матбуоти Палатаи савдо ва саноат хабар доданд.
Ҳайатро, ки аз роҳбарону намояндагони корхонаҳои гуногуни соҳаҳои саноат, тиҷорат, истеҳсол ва хизматрасонӣ иборат буд, муовини якуми раиси Кумитаи иҷроияи ассотсиатсия Лю Тсзюнго роҳбарӣ намуд.
Зимни мулоқот ҷонибҳо масоили тавсеаи ҳамкории тиҷоратию иқтисодӣ байни соҳибкорони ҳарду давлатро баррасӣ намуданд. Аз ҷумла, имконияти рушди ҳамкорӣ дар бахшҳои саноати сабук, кишоварзӣ, технологияҳои нав, савдои дуҷониба ва ташкили форуму намоишгоҳҳои муштарак мавриди таваҷҷуҳ қарор гирифт.
Дар анҷоми вохӯрӣ байни Палатаи савдо ва саноати Ҷумҳурии Тоҷикистон ва Ассотсиатсияи саноат ва тиҷорати Корпуси истеҳсолию сохтмонии Синҷон‑Уйғури Ҷумҳурии Мардумии Чин Ёддошти тафоҳуми ҳамкорӣ ба имзо расид.
АКС: Палатаи савдо ва саноати Ҷумҳурии Тоҷикистон
Фонди Саудии Рушд барои маблағгузории лоиҳаҳои афзалиятнок дар Тоҷикистон изҳори омодагӣ кард
Дар Риёз маблағгузории татбиқи лоиҳаҳои афзалиятноки Тоҷикистон баррасӣ гардид
Масъалаҳои татбиқи лоиҳаҳои энергетикӣ дар Тоҷикистон бо ширкати «Acwa Power» дар Арабистони Саудӣ баррасӣ гардид
Вазири молияи Тоҷикистон дар конференсияи молиявии рушд дар шаҳри Риёз иштирок намуд
Тақвияти робитаҳои тиҷоратию иқтисодии Тоҷикистон ва Эрон баррасӣ шуд
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
РӮЗИ БАЙНАЛМИЛАЛИИ МУБОРИЗА БАР ЗИДДИ КОРРУПСИЯ. Дар Тоҷикистон беш аз 20 санади зиддикоррупсионӣ амал менамояд
Қоҳир Расулзода: «То соли 2030 ҳиссаи соҳаи саноат дар иқтисоди миллии Тоҷикистон то ба 30 фоиз мерасад»
ИМРӮЗ — РӮЗИ ГЕОЛОГҲОИ ТОҶИКИСТОН. Маҳз онҳо ояндаи энергетика, саноат, металлургия, сохтмон, ҳатто амнияти иқтисодиро пешакӣ муайян менамоянд
Ҳайати Тоҷикистон дар Форуми сатҳи баланд оид ба фарогирии ҷаҳонии тандурустӣ дар Токио иштирок намуд
Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон доир мегардад
Ҳайати Тоҷикистон дар конгресси байналмилалӣ минералҳои фоиданоки мамлакатро муаррифӣ намуд
