Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
ДУШАНБЕ, 29.08.2025 /АМИТ «Ховар»/. Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо мекунад. Дар робита ба ин дар Душанбе барои дастгирии Гурӯҳи татбиқи лоиҳаҳои таҷдиди роҳҳои шаҳри Душанбе ва машваратчии лоиҳаи «Таҷдид ва навсозии инфрасохтори шаҳри Душанбе» Созишномаи грантӣ ба имзо расонида шуд, иттилоъ медиҳад АМИТ «Ховар» бо истинод ба Вазорати нақлиёти Тоҷикистон.
Созишномаро Вазири нақлиёти Ҷумҳурии Тоҷикистон Азим Иброҳим ва Намояндаи доимии Бонки аврупоии таҷдид ва рушд дар Ҷумҳурии Тоҷикистон Холгер Вифел имзо намуданд. Гурӯҳи татбиқи лоиҳаҳои таҷдиди роҳҳои шаҳри Душанбе 15 ноябри соли 2024 дар назди Вазорати нақлиёти ҷумҳурӣ таъсис дода шудааст, ки ҳадафаш таҷдид, ҳамоҳангсозӣ, идоракунӣ, мониторинг (назорат) ва арзёбии ҷанбаҳои беҳтар намудани инфрасохтори нақлиётии шаҳри Душанбе арзёбӣ мегардад.
Ҷонибҳо ҳамзамон ҷанбаҳои асосии рушди робитаҳои нақлиётӣ байни Аврупо ва Осиёи Марказӣ, аз ҷумла бо истифода аз долони мултимодалии нақлиётии «Тоҷикистон – Узбекистон – Туркманистон – Эрон – Туркия – Аврупо»-ро баррасӣ карданд. Дар ин замина роҷеъ ба лоиҳаҳои амалишаванда оид ба рушди низоми нақлиётӣ ва инфрасохтори давлати мо, аз ҷумла навсозии роҳу нақлиёти шаҳри Душанбе, ки ба баланд бардоштани самаранокӣ, бехатарӣ ва устувории экологии инфрасохтори нақлиётии пойтахт равона шудааст, табодули афкор доир шуд.
Бонки аврупоии таҷдид ва рушд яке аз шарикони боэътимоди Тоҷикистон мебошад, ки рушди инфрасохтори нақлиётро дар мамлакат фаъолона дастгирӣ менамояд.
АКС: Вазорати нақлиёти Ҷумҳурии Тоҷикистон
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
