Дар Балҷувон дар мавзуи «Сулҳу субот – омили рушди устувори соҳаи сайёҳӣ» вохӯрии судманд доир гардид
ДУШАНБЕ, 21.08.2025 /АМИТ «Ховар»/. Бо ибтикори Ҳаракати ваҳдати миллӣ ва эҳёи Тоҷикистон дар ноҳияи Балҷувон бо сокинон дар мавзуи «Сулҳу субот – омили рушди устувори соҳаи сайёҳӣ» вохӯрӣ баргузор гардид, иттилоъ медиҳад АМИТ «Ховар» бо истинод ба Кумитаи иҷроияи Ҳаракати ваҳдати миллӣ ва эҳёи Тоҷикистон.
Таъкид гардид, ки чунин вохӯриҳо омили муҳими баланд бардоштани маърифати сиёсиву ҳуқуқӣ буда, ба таҳкими ваҳдати миллӣ мусоидат менамоянд. Сулҳу суботи пойдор ба рушди соҳаҳои иқтисодӣ, бахусус сайёҳӣ мусоидат намуда, шароити мусоиди кору зиндагиро барои мардум таъмин месозад.
Иштирокдорони вохӯрӣ ҳамзамон оид ба нақши Президенти Тоҷикистон, Пешвои миллат муҳтарам Эмомалӣ Раҳмон дар барқарории сулҳу ваҳдат ва таъсири он ба рушди соҳаҳои ҳаётан муҳим изҳори назар намуданд. Тазаккур дода шуд, ки маҳз бо шарофати сиёсати Пешвои миллат Тоҷикистон имрӯз ба давлати амн ва ором табдил ёфтааст, ки ин сабаби ҷалби сайёҳони хориҷӣ гардидааст. Тарғиби мероси фарҳангӣ ва анъанаҳои миллӣ дар рушди сайёҳии устувор аҳамияти калидӣ дорад.
Ҳамзамон бо дахли имконияти сайёҳии ноҳияи Балҷувон ва нақши сулҳу субот дар рушди соҳа гуфта шуд, ки Балҷувон бо табиати нотакрор, мавзеъҳои таърихию фарҳангӣ ва ҳунарҳои мардумӣ метавонад ба яке аз самтҳои муҳими сайёҳии мамлакат табдил ёбад. Инчунин ташкили инфрасохтори зарурӣ, ҷалби сармоягузорон ва истифодаи оқилонаи имконоти мавҷуда таъкид гардид.
Дар вохӯрӣ масъалаи ҳифзи муҳити зист ҳамчун шарти муҳим барои рушди устувори сайёҳӣ баррасӣ гардида, таъкид карда шуд, ки табиат ҳифз ва манобеи он оқилона истифода бурда шаванд. Сулҳу суботи пойдор имконият фароҳам меорад, ки корҳои ободонӣ ва ҳифзи муҳити зист дар сатҳи баланд амалӣ гарданд. Дар маҷмуъ, сулҳ ва ваҳдати миллӣ на танҳо арзиши сиёсию иҷтимоӣ, балки заминаи пешрафти соҳаҳои гуногун, аз ҷумла сайёҳӣ ба шумор меравад.
Аз ҷониби Раиси Кумитаи иҷроияи Ҳаракати ваҳдати миллӣ ва эҳёи Тоҷикистон ба Китобхонаи марказии ноҳияи Балҷувон ҷилди китобҳои «Ваҳдат, Давлат, Президент» тақдим гардид.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
