Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
ДУШАНБЕ, 21.08.2025 /АМИТ «Ховар»/. 21 август дар вохӯрии директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо Сафири Фавқуллода ва Мухтори Ҷумҳурии Мардумии Чин дар Ҷумҳурии Точикистон Го Жиҷун баргузор гардид. Дар ин хусус ба АМИТ «Ховар» аз Агентии авиатсияи гражданӣ хабар доданд.
Ҷонибҳо зимни мулоқот масъалаҳои тақвияти ҳамкорӣ дар рушди соҳаи авиатсияи гражданӣ, кушодани парвозҳои мустақим дар самти Душанбе – Сиан ва Душанбе – Гуанҷоу, инчунин мукаммал намудани парвозҳо дар самтҳои Душанбе – Урумчӣ ва Душанбе – Пекинро баррасӣ карданд.
Ҳамзамон таъкид гардид, ки ҷиҳати такмил додани дараҷаи касбии мутахассисони соҳаи авиатсияи гражданӣ, баргузории курсҳои омӯзишӣ дар мавзуи бехатарии парвозҳо ва бехатарии авиатсионӣ табодули таҷриба боз ҳам васеъ гардонида шавад.
Иброз гардид, ки баргузории чунин вохӯриҳои судманд ва зиёд намудани хатсайрҳо бо ширкатҳои ҳавопаймоии хориҷӣ ҷиҳати амалисозии сиёсати «Фазои кушод» нақши муассир хоҳад дошт.
Ёдовар мешавем, ки бо дастгирии Ҳукумати мамлакат ва ташаббуси Агентии авиатсияи гражданӣ аз 12 июни соли 2025 дар фурӯдгоҳҳои байналмилалии Тоҷикистон сиёсати «Осмони кушод» ҷорӣ гардидааст. Агентӣ барои беҳтаргардонии интиқоли ҳавоӣ ва рафту омади бемамонияти шаҳрвандон дар самти кушодани хатсайрҳои нави ҳавоӣ ва зиёд намудани шумораи парвозҳо фаъолиятро ҷоннок менамояд.
АКС: Агентии авиатсияи граждании назди Ҳукумати Ҷумҳурии Тоҷикистон
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
