Дар Душанбе рӯнамоии таҳқиқоти академик Муҳаммад Осимӣ баргузор гардид
ДУШАНБЕ, 22.08.2025. /АМИТ «Ховар»/. Имрӯз дар Академияи миллии илмҳои Тоҷикистон маҳфили илмӣ-адабии «Хирад»- и Академияи миллии илмҳои Тоҷикистон баргузор гардид, ки дар он таҳқиқоти «Академик Муҳаммад Осимӣ: бунёд ва пешрафти донишноманависии илмӣ дар Тоҷикистон» рӯнамоӣ гардид. Дар ин хусус ба АМИТ «Ховар» аз Академияи миллии илмҳо хабар доданд.
Президенти Академияи миллии илмҳои Тоҷикистон Қобилҷон Хушвахтзода иброз дошт, ки дар таҳқиқоти дастҷамъонаи тозанашр гурӯҳи олимони саршиноси тоҷик, Амрико, Фаронса, Испания, Ҳиндустон, Узбекистон иштирок намудаанд. Дар ин мақолаҳо масоили камомӯхташудаю мубрами назариявию консептуалии бунёд ва пешрафти донишномависии илмӣ дар Тоҷикистон аз дирӯз то имрӯз, саҳми донишманди барҷаста, яке аз ташкилдиҳандагон, сарвари илми бунёдии тоҷик академик Муҳаммад Осимӣ, ки сарварии Академияи илмҳои Тоҷикистонро зиёда аз ду даҳсола ба зимма дошт, ба риштаи таҳқиқ омадааст.
Таъкид гардид, ки муҳаққиқон дар навиштаҳояшон паҳлуҳои муҳимми фаъолияти пурбори илмию давлатӣ ва ҷамъиятии ин симои камназирро бар пояи санадҳои тоза ба қалам овардаанд. Аз ҷумла, саҳми устоди зиндаёд академик Муҳаммад Осимӣ дар бунёд ва пешрафти донишноманависии илмӣ дар Тоҷикистон, пешрафт, ҳалли масоили ташкил, ҷалби неруҳои илмӣ, таҳияи фонди илмӣ барои таҳия, ташкили сафарҳои омӯзишии кормандон ба кишварҳо, марказҳои илмӣ-энсиклопедӣ барои андӯхтани дониш, таҷрибаи энсиклопедиясозӣ, тартиб додани луғатномаҳои соҳавии энсиклопедӣ, таҳияи энсиклопедияи ихтисосӣ доир ба ҷашнҳои 50-60 солагии таъсиси Ҷумҳурии Тоҷикистон, нашри босифати он, заминаи устувори илмию ташкилии энсиклопедияҳои соҳавӣ ва корҳои камназири ташкилии илмии академӣ саҳми арзанда гузоштаанд.
Дар идомаи маҳфил олимону муҳақиқон саҳми ин донишманди тоҷикро дар рушди илми мамлакат муҳим арзёбӣ намуда, доир ба фаъолияти самарабахши ӯ маъруза намуданд. Дар ин асари дастҷамъона мавзуоти мубрами таърихию назарии фарҳанги донишноманависии илмии тоҷик ва хизмати шоистаи академик Муҳаммад Осимӣ дар омӯзишу густариши он аз дидгоҳи нав баррасӣ гардидааст.
АКС: Академияи миллии илмҳои Тоҷикистон
Сокинони ноҳияи Исмоили Сомонии пойтахт соҳиби туҳфаи Президенти Тоҷикистон — «Шоҳнома»-и Ҳаким Фирдавсӣ шуданд
Олимони ҷавони тоҷик дар машғулияти Мактаби байналмилалии тобистонаи Узбекистон иштирок доранд
Намоиши «Олами гулдӯзии тоҷикон» дар Осорхонаи миллии қолинҳои Озарбойҷон доир мегардад
«ТОҶИКИСТОН — ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мешавад
Дар нашриёти «Эр Граф» «Фарҳанги тафсирии истилоҳоти осорхонашиносӣ» аз чоп баромад
Оид ба омӯзиши таърих ва тамаддуни халқи тоҷик дар замони соҳибистиқлолӣ конфронси илмӣ баргузор гардид
ТУҲФАИ АРЗАНДАИ ПРЕЗИДЕНТИ ТОҶИКИСТОН. Тақдими китоби «Шоҳнома» ба беш аз 48 ҳазор оилаи шаҳри Ҳисор оғоз шуд
«ТОҶИКИСТОН — ВАТАНИ АЗИЗИ МАН». Даври сеюми озмуни ҷумҳуриявӣ моҳи сентябр оғоз мегардад
Дар остонаи ҷашни Истиқлоли давлатӣ китоби «Корномаҳои ҷовидонаи Пешвои муаззами миллат» аз чоп баромад
«Шоҳнома»-и Ҳаким Фирдавсӣ бузургтарин мактаб дар тарбияи худшиносии миллӣ мебошад
Муовини Сарвазири Беларус дар Осорхонаи миллии Тоҷикистон бо таъриху фарҳанги тоҷикон шинос гардид
МУҶАССАМАИ ИСМОИЛИ СОМОНӢ. Аз ифтитоҳи ин маҷмааи миллӣ 26 сол пур шуд
