Дар ноҳияи Ҷалолиддини Балхӣ пахтачинӣ оғоз ёфт
ДУШАНБЕ, 05.08.2025. /АМИТ «Ховар»/. Дар заминҳои хоҷагии деҳқонии «И. Латиф»-и деҳаи Талхачашмаи Ҷамоати деҳоти Ҳалеварди ноҳияи Ҷалолиддини Балхӣ мавсими пахтачинӣ оғоз гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ҷалолиддини Балхӣ хабар доданд.
Масъулини ноҳияи Ҷалолиддини Балхӣ бо раванди кишту парвариши пахта, ҳолати нашъунамои он ва омодагиҳои кишоварзон барои ҷамъоварии ҳосил шинос шуданд. Иброз гардид, ки мақомоти иҷроияи ҳокимияти давлатии ноҳия барои дастгирии кишоварзон, беҳтарсозии инфрасохтори истеҳсолӣ ва вусъати истифодаи технологияҳои муосир тадбирҳои зарурӣ меандешад.
Зимни оғози мавсими пахтачинӣ иброз гардид, ки соли равон бинобар риояи дурусти қоидаҳои агротехникӣ ва шароити мусоиди иқлим ҳосили пахта назар ба солҳои гузашта бештар ба назар мерасад.
Пахтакорӣ яке аз бахшҳои муҳими кишоварзии ноҳия маҳсуб шуда, дар рушди иқтисодиёти маҳаллӣ саҳми арзанда мегузорад.
Мавсими пахтачинӣ дар ноҳия тибқи нақша ҷараён гирифта, дар он кишоварзону аҳли деҳот иштирок доранд. Ҷамъоварии саривақтӣ ва самараноки ҳосил ба иҷрои нақшаи ҷамъоварии пахта дар муҳлатҳои муайянгардида мусоидат менамояд.
Ёдовар мешавем, ки имсол кишоварзони Тоҷикистон бо истифода аз тамоми имконот дар 182 ҳазору 466 гектар пунбадона кишт намуданд, ки ба 97,6 фоизи дурнамо баробар мебошад.
АКС: Мақомоти иҷроияи ҳокимияти давлатии ноҳияи Ҷалолиддини Балхӣ
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
