Дар Панҷакент масоили муқовимат бо коррупсия ва сиёсати давлатии зиддикоррупсиониро баррасӣ намуданд

ДУШАНБЕ, 17.08.2025. /АМИТ «Ховар»/. ​Бо ташаббуси шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар водии Зарафшон дар Шабакаҳои барқии шаҳри Панҷакент вохӯрӣ баргузор карда шуд.​ Дар ин хусус ба АМИТ «Ховар» аз маркази матбуоти Агентӣ хабар доданд.

Дар ҳамоиш масъулини Агентии назорати давлатии молиявӣ ва мубориза бо коррупсияи Ҷумҳурии Тоҷикистон вобаста ба масоили муқовимат бо коррупсия, амалисозии сиёсати давлатии зиддикоррупсионӣ, баланд бардоштани маърифати ҳуқуқии шаҳрвандон, таъмини иҷрои қонунгузорӣ дар самти танзими ҷашну маросим, таълиму тарбияи кӯдак, мубориза бо терроризму экстремизм, пешгирии ҳамроҳшавии шаҳрвандон ба ҳизбу ҳаракатҳои ғайриқонунӣ ва дигар масъалаҳои мубрам сухан гуфтанд.

Иброз гардид, ки коррупсия яке аз масъалаҳои мушкили замони муосир ва зуҳуроти номатлуби иҷтимоӣ буда, муқовимат бар зидди он рисолати ҳар шаҳрванди ҷумҳурӣ дониста мешавад.

Дар маҷмуъ ҳамоиш дар фазои озоду мубоҳисавӣ гузашт. Умед аст, ки натиҷаҳои он ба баланд бардоштани маърифати зиддикоррупсионии кормандони соҳаи барқ таъсири мусбат мерасонад.

АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон