Дар шаҳри Хоруғ ҷаласаи Шурои ҷамъиятӣ баргузор гардид
ДУШАНБЕ, 07.08.2025 /АМИТ «Ховар»/. 6 август дар шаҳри Хоруғи Вилояти Мухтори Кӯҳистони Бадахшон ҷаласаи Шурои ҷамъиятии Ҷумҳурии Тоҷикистон баргузор гардид. Зимни он муовини якуми Вазири рушди иқтисод ва савдои Тоҷикистон Ашурбой Солеҳзода ҷанбаҳои муҳими рушди иқтисодию иҷтимоии мамлакат, аз ҷумла дастовардҳои Вилояти Мухтори Кӯҳистони Бадахшонро дар давраи соҳибистиқлолӣ муаррифӣ намуд. Дар ин хусус ба АМИТ «Ховар» аз Вазорати рушди иқтисод ва савдои Тоҷикистон хабар доданд.
Иброз гардид, ки дар доираи дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон суръати миёнасолонаи рушд дар байни солҳои 2000-2024 7,7 фоиз таъмин гардида, ҳаҷми воқеии Маҷмуи маҳсулоти дохилии мамлакат 10,6 маротиба ва Маҷмуи маҳсулоти дохилӣ ба ҳар сари аҳолӣ 8,6 маротиба афзуд.
Дар ҷаласа ба ташаббусҳои Пешвои миллат дар самти рушди минтақаҳои дурдасти мамлакат, бахусус дар Вилояти Мухтори Кӯҳистони Бадахшон диққат дода шуд. Танҳо дар давраи соҳибистиқлолӣ ба вилоят беш аз 26 миллиард сомонӣ маблағ равона гардида, садҳо иншооти иҷтимоию иқтисодӣ, аз ҷумла роҳу пулҳо, муассисаҳои тиббӣ ва таълимӣ, марказҳои хизматрасонӣ ва инфрасохтори муҳими саноатӣ сохта шудаанд. Ҳамаи ин тадбирҳо ба баланд бардоштани сатҳу сифати зиндагии мардум, ҷалби сармоягузорӣ ва тавсеаи имконияти иқтисодии маҳалҳо мусоидат менамоянд.
Ҳамзамон тадбирҳои пешбинишуда дар доираи Стратегияи миллии рушд-2030 муаррифӣ карда шуда, нақшаҳои минбаъдаи Ҳукумати ҷумҳурӣ дар самти ба мамлакати «сабз» мубаддал гардонидани Тоҷикистон таҳлил гардиданд.
АКС: Вазорати рушди иқтисод ва савдои Ҷумҳурии Тоҷикистон
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
