Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд

Август 5, 2025 17:00

ДУШАНБЕ, 05.08.2025 /АМИТ «Ховар»/. Гурӯҳи кории Ҳукумати Ҷумҳурии Тоҷикистон таҳти роҳбарии муовини Сарвазири Тоҷикистон Сулаймон Зиёзода бо кишти такрорӣ ва нашъунамои пахта дар ноҳияи Мастчоҳ шинос шуд.

Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад, гурӯҳи корӣ нахуст бо заминҳои кишоварзии хоҷагиҳои деҳқонии «Бешариқ» ва «Сангин Қуддус» дар Ҷамоати шаҳраки Бӯстон шинос шуд. Зимни шиносоӣ ба вазъи истифодаи замин, парвариши зироати кишоварзӣ, риояи талаботи агротехникӣ ва имконияти афзоиши ҳаҷми истеҳсоли пахта таваҷҷуҳи махсус зоҳир гардид.

Сулаймон Зиёзода зимни суҳбат бо роҳбарони хоҷагиҳои деҳқонӣ ва мутахассисони соҳаи кишоварзӣ ба масъалаи истифодаи мақсаднок ва самараноки замини корам, вусъат бахшидани кишти такрорӣ, махсусан дар заминҳои озодшуда пас аз ҷамъоварии ҳосили асосӣ таваҷҷуҳи ҷиддӣ зоҳир намуд. Ҳамзамон барои таъмини ҳосили баланди пахта ва дигар зироати кишоварзӣ, баланд бардоштани маҳсулнокии соҳа ва таҳкими амнияти озуқавории мамлакат дастуру тавсияҳои мушаххас пешниҳод гардид.

Таъкид гардид, ки истифодаи дурусти захираҳои мавҷуда, риояи агротехника, таъминот бо оби полезӣ ва ҷалби мутахассисони соҳавӣ бояд дар меҳвари фаъолияти ҳар хоҷагии деҳқонӣ қарор дошта бошад.

Гурӯҳи корӣ дар хоҷагиҳои тухмипарвари Ҷамоати деҳоти Мастчоҳ,  хоҷагиҳои деҳқонии «Устоён» ва «Лангар» бо раванди кишти навъҳои пахтаи серҳосил ва татбиқи усулҳои пешрафтаи агротехникӣ дар соҳаи тухмипарварӣ аз наздик шинос шуд.

Роҳбарони сохторҳои дахлдор ва масъулини соҳаи кишоварзӣ барои тақвият бахшидани чорабиниҳои агротехникӣ, баланд бардоштани ҳосилнокии пахта, истифодаи самараноки захираҳои мавҷуда ва татбиқи ҳамаҷонибаи барномаҳои соҳавии давлатӣ вазифадор гардиданд.

Таъкид шуд, ки бо мақсади таъмини дурнамои рушди устувори соҳаи пахтакорӣ зарур аст таваҷҷуҳи махсус ба вусъат бахшидани фаъолияти хоҷагиҳои тухмипарварӣ, таъмини деҳқонон бо тухмиҳои хушсифати навъҳои серҳосил, таъмин бо техника ва таҷҳизоти муосири кишоварзӣ, инчунин истифодаи самараноки захираҳои оби полезӣ равона карда шавад.

АКС: Мақомоти иҷроияи ҳокимияти давлатии ноҳияи Мастчоҳ

Август 5, 2025 17:00

Хабарҳои дигари ин бахш

Ташаббусҳои глобалии Тоҷикистон дар соҳаи об дар ҷаласаи Конфронси исломии вазирони масъул оид ба масъалаҳои об дар Ҷидда баррасӣ гардид
Дар ноҳияи Восеъ иншооти таъйиноти гуногун мавриди истифода қарор гирифтанд
Ширкати чинӣ ба бунёди неругоҳҳои офтобӣ ва бодӣ дар Тоҷикистон таваҷҷуҳ зоҳир намуд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Лоиҳаи «Барномаи рушди иқтисодию иҷтимоии шаҳри Душанбе барои солҳои 2026–2030» муаррифӣ карда шуд
Имконияти содироти маҳсулоти кишоварзии Тоҷикистон ба Русия баррасӣ гардид
Хадамоти обуҳавошиносии Тоҷикистон ва Русия ҳамкориро тақвият медиҳанд
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд