НИШАСТИ МАТБУОТӢ. 178 нархномаи хизматрасонии пулакии муассисаю ташкилоти давлатӣ ва ғайридавлатӣ ба мувофиқа расонида шуд
ДУШАНБЕ, 04.08.2025 /АМИТ «Ховар»/. Аз ҷониби Хадамоти зиддиинҳисории назди Ҳукумати Ҷумҳурии Тоҷикистон 178 нархномаи хизматрасонии пулакии муассисаю ташкилоти давлатӣ ва ғайридавлатӣ таҳлил ва ба мувофиқа расонида шуд. Дар ин хусус имрӯз сардори Хадамоти зиддиинҳисорӣ Ҳайдаралӣ Раҷабзода зимни нишасти матбуотӣ иттилоъ дод.
Аз ҷумла, 27 нархномаи хизматрасонии пулакии муассисаҳои тиббӣ, 59 нархномаи хизматрасонии пулакии муассисаҳои таҳсилоти олӣ, миёнаи касбӣ, муассисаҳои илмӣ ва 92 нархномаи хизматрасонии пулакӣ дар дигар соҳаҳо ба мувофиқа расонида шуданд.
Ба иттилои Ҳайдаралӣ Раҷабзода, нархномаҳои хизматрасонии пулакии соҳаи маориф ва тандурустӣ, ба истиснои муассисаҳои навтаъсис, ихтисосҳои нав ва литсейҳои давлатии таълимӣ дар сатҳи амалкунанда ба мувофиқа расонида мешаванд.
Дар нишаст иброз гардид, ки Хадамоти зиддиинҳисорӣ мониторинги 20 номгӯй мол ва маҳсулоти аз ҷиҳати иҷтимоӣ заруриро дар бозори берунӣ ва дохили ҷумҳурӣ гузаронида, тағйирёбии нархи онҳоро ҳамарӯза таҳлил ва арзёбӣ менамояд. Аксари ин номгӯй ё ашёи хом барои истеҳсоли онҳо аз хориҷи мамлакат ворид карда мешавад, ки сабаби болоравии нархи онҳо дар бозори ҷумҳурӣ мегардад.
Бо мақсади муайян намудани сабабҳои болоравии нархи маҳсулот дар бозор ва пешгирии баландшавии беасоси он Хадамоти зиддиинҳисорӣ дар якчанд субъекти хоҷагидор санҷишҳои нақшавӣ ва ғайринақшавӣ гузаронид. Дар натиҷа ба маблағи 1 миллиону 800 ҳазор сомонӣ қонунвайронкунии зиддиинҳисорӣ ошкор ва ба буҷети давлатӣ 1 миллиону 500 ҳазор сомонӣ гузаронида шуд.
Иброз гардид, ки дар шаш моҳи соли 2025 29 муроҷиати шахсони воқеӣ ва ҳуқуқӣ, аз ҷумла, шахсони хориҷӣ вобаста ба ҷой доштани рақобати бевиҷдонона бо роҳи инфиродикунонии истифодаи моликияти зеҳнӣ дар бозори ҳудуди Ҷумҳурии Тоҷикистон мавриди баррасӣ қарор дода шуд.
Аз рӯи натиҷаи баррасии муроҷиатҳо тадбирҳои зарурӣ андешида шуда, қарор, амрнома ва фармоишҳои хадамот оид ба бартараф ва қатъ намудани ҳуқуқвайронкуниҳо қабул карда шуданд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Ташаббусҳои глобалии Тоҷикистон дар соҳаи об дар ҷаласаи Конфронси исломии вазирони масъул оид ба масъалаҳои об дар Ҷидда баррасӣ гардид
Дар ноҳияи Восеъ иншооти таъйиноти гуногун мавриди истифода қарор гирифтанд
Ширкати чинӣ ба бунёди неругоҳҳои офтобӣ ва бодӣ дар Тоҷикистон таваҷҷуҳ зоҳир намуд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Лоиҳаи «Барномаи рушди иқтисодию иҷтимоии шаҳри Душанбе барои солҳои 2026–2030» муаррифӣ карда шуд
Имконияти содироти маҳсулоти кишоварзии Тоҷикистон ба Русия баррасӣ гардид
Хадамоти обуҳавошиносии Тоҷикистон ва Русия ҳамкориро тақвият медиҳанд
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
