НИШАСТИ МАТБУОТӢ. Дар ду даври бақайдгирии Имтиҳонҳои марказонидаи дохилшавӣ-2025 беш аз 92 ҳазор довталаб номнавис гардид
ДУШАНБЕ, 05.08.2025. /АМИТ «Ховар»/. Дар ду даври бақайдгирии Имтиҳонҳои марказонидаи дохилшавии-2025 ба муассисаҳои таълимии таҳсилоти миёна ва олии касбии Ҷумҳурии Тоҷикистон 92 ҳазору 991 нафар номнавис шуданд, ки нисбат ба ҳамин давраи соли 2024 10 ҳазору 499 нафар зиёд аст. Шумораи довталабон ҳамагӣ 96,8 фоизро ташкил медиҳад, ки ин нишондиҳанда нисбат ба соли 2024 15,83 банди фоизӣ зиёд аст. Дар ин хусус имрӯз директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода ба хабарнигорон иттилоъ дод.
Иброз гардид, ки барои шаффоф, дастрас ва озод баргузор гардидани бақайдгирии довталабон бобати иштирок дар Имтиҳонҳои марказонидаи дохилшавӣ-2025 дар 60 шаҳру ноҳияи ҷумҳурӣ, аз ҷумла дар 43 шаҳру ноҳия 47 нуқтаи доимии бақайдгирӣ ва дар 17 шаҳру ноҳияи дигар нуқтаҳои сайёри бақайдгирӣ ташкил гардиданд, ки дар онҳо 158 истгоҳи корӣ фаъолият намуд.
Зимни нишасти матбуотӣ иттилоъ дода шуд, ки шумораи умумии ихтисосҳои тибқи нақшаи қабул тасдиқгардида барои қабули донишҷӯён ба муассисаҳои таълимӣ дар заминаи таҳсилоти умумӣ (синфи 11-ум) дар соли 2025 852 ададро ташкил дод, ки нисбат ба соли 2024 56 адад зиёд аст. Аз шумораи умумии ин ихтисосҳо 177 ихтисос дар доираи муассисаҳои таълимии таҳсилоти миёнаи касбӣ ва 675-тои дигар дар доираи муассисаҳои таълимии таҳсилоти олии касбӣ аст.
Имсол 127 муассисаи таълимии олӣ ва миёнаи касбӣ донишҷӯ қабул менамояд. Соли 2025 ба низоми Имтиҳонҳои марказонидаи дохилшавӣ 1 муассисаи таълимии таҳсилоти миёнаи касбӣ — филиали Коллеҷи муҳандисӣ-омӯзгории шаҳри Бохтар, ки филиали навтаъсис аст, дохил гардид.
Моҳинави НАВРӮЗ,
АМИТ «Ховар»
АКС: АМИТ «Ховар»
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
