НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
ШАҲРИНАВ, 05.08.2025 /АМИТ «Ховар»/. Бо мақсади беҳтар намудани вазъи таълиму тарбия ва иҷрои талаботи «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025» дар 7 муассисаи томактабии ноҳияи Шаҳринав 809 кӯдак ва дар назди 48 муассисаи таълимии ноҳия 73 гурӯҳи маркази инкишофи кӯдакон фаъолият доранд. Дар онҳо 1780 нафар кӯдакони 5-6-сола ба таълиму тарбия фаро гирифта шудаанд. Иҷрои барномаи амалкунанда дар мавриди бунёди муассисаҳои томактабӣ дар ноҳияи Шаҳринав 21,8 фоизро ташкил медиҳад. Ин матлабро Раиси ноҳияи Шаҳринав Абдуқодир Вализода 4 август зимни нишасти матбуотӣ иброз намуд.
Дар айни замон дар ноҳия сохтмони як муассисаи томактабии дигар идома дошта, он дар доираи ҷашни 35-солагии Истиқлоли давлатӣ ба истифода дода мешавад.
Ҳаҷми истеҳсоли маҳсулоти саноатӣ дар ноҳияи Шаҳринав дар шаш моҳи соли равон ба 29 миллиону 651 ҳазору 800 сомонӣ расонида шуд, ки нисбат ба соли 2024 як миллиону 298 ҳазору 500 сомонӣ зиёд мебошад. Ҳоло шумораи корхонаҳои саноатӣ дар ноҳия ба 30 адад расида, дар давраи ҳисоботӣ 6 корхона бо сабабҳои гуногун фаъолият накард. Ду корхонаи саноатӣ барҳам дода шуда, як корхонаи саноатӣ намуди фаъолияти худро дигар намудааст. Инчунин дар ин давра ду корхонаю коргоҳи истеҳсолӣ бо 6 ҷойи кор ба истифода дода шуд, ки дар яке набот ва дар дуюмӣ мебел истеҳсол карда мешавад.
Тавре дар нишасти матбуотӣ иброз гардид, соли равон кишоварзони ноҳияи Шаҳринав 11 ҳазор тонна маҳсулоти ғаладонагӣ, 2816 тонна картошка, 10 ҳазору 693 тонна сабзавот, 6532 тонна меваҷот, 2816 тонна хӯроки чорво ва дигар намуди маҳсулоти кишоварзӣ истеҳсол намуданд. Аз ин миқдор ба хориҷи мамлакат зиёда аз се ҳазор тонна маҳсулоти гуногуни кишоварзӣ содирот гардид.
Субҳониддини МАҲМУД,
АМИТ «Ховар»
АКС: АМИТ «Ховар»
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
НИШАСТИ МАТБУОТӢ. 178 нархномаи хизматрасонии пулакии муассисаю ташкилоти давлатӣ ва ғайридавлатӣ ба мувофиқа расонида шуд
Вазирони энергетика ва хоҷагиҳои оби Тоҷикистон, Узбекистон ва Қазоқистон бо фаъолияти пойгоҳҳои обкашии мамлакат шинос шуданд
