Дар вилояти Суғд ба маблағи 6,1 миллиард сомонӣ маҳсулоти кишоварзӣ истеҳсол карда шуд
ДУШАНБЕ, 01.08.2025 / АМИТ «Ховар»/. Дар шаш моҳи соли равон дар ҳамаи шаклҳои хоҷагидории вилояти Суғд ба маблағи 6,1 миллиард сомонӣ маҳсулоти кишоварзӣ истеҳсол карда шуда, суръати афзоиш нисбат ба ҳамин давраи соли 2024 110,5 фоиз таъмин гардид. Дар ин хусус 30 июл Раиси вилояти Суғд Раҷаб Аҳмадзода зимни нишасти матбуотӣ ба хабарнигорон иттилоъ дод.
Дар ин давра дар вилоят истеҳсоли сабзавот 101,0 ҳазор тонна, аз ҷумла пиёз 37,0 ҳазор тонна, картошка 58,5 ҳазор тонна, полезӣ 10,2 ҳазор тонна, мевагиҳо 121 ҳазор тонна, аз ҷумла зардолу 110 ҳазор тонна ва зироати хӯроки чорво 86,9 ҳазор тонна таъмин шуд.
Инчунин гӯшти чорвою паранда бо вазни зинда 36,7 ҳазор тонна, аз ҷумла гӯшти паранда 9,8 ҳазор тонна, моҳӣ 447,7 тонна, шир 169,5 ҳазор тонна, тухм 459,9 млн. дона, асал 204,2 тонна ва пашм 1,4 ҳазор тоннаро ташкил намуд. Нисбат ба ҳамин давраи соли 2024 суръати афзоиши истеҳсоли сабзавот 106,2 фоиз, картошка 105,3 фоиз, мевагиҳо 109,4 фоиз, аз ҷумла зардолу 106,1 фоиз, хӯроки чорво 106,3 фоиз, гӯшти чорвою паранда 113,5 фоиз, аз ҷумла гӯшти паранда 116,2 фоиз, моҳӣ 101,3 фоиз, шир 113,2 фоиз, асал 101,1 фоиз ва пашм 102,0 фоиз таъмин шудааст.
Хамзамон гуфта шуд, ки ба ҳолати 1 июли соли 2025 дар хоҷагиҳои кишоварзии вилоят 108,4 гектар боғу токзори нав, аз ҷумла 90,6 гектар боғ ва 17,8 гектар токзори нав бунёд карда шудааст. Корҳои барқароркунии боғу токзор дар 417,8 гектар, аз ҷумла дар 403,1 гектар боғ ва дар 14,7 гектар токзори кӯҳна гузаронида шудаанд.
«Соли равон дар ҳамаи шаклҳои хоҷагидории вилоят дар 262,8 ҳазор гектар зироат кишт карда шуд»,- иброз гардид дар нишасти матбуотӣ.
Саъдулло МАҲКАМ,
АМИТ «Ховар»
АКС: Хадамоти матбуоти Раиси вилояти Суғд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
