НИШАСТИ МАТБУОТӢ. Донишҷӯёни Донишгоҳи миллии Тоҷикистон дар донишгоҳҳои хориҷӣ табодули академиро муваффақона анҷом доданд
ДУШАНБЕ, 01.08.2025 /АМИТ «Ховар»/. Яке аз талаботи асосии баланд бардоштани сифати таълим ва таҳсил- ин мубодилаи академӣ бо кишварҳои дигар мебошад. Дар ин замина дар шашмоҳаи якуми соли равон 25 нафар донишҷӯёни Донишгоҳи миллии Тоҷикистон тибқи барномаи табодули академӣ дар донишгоҳҳои хориҷи мамлакат таҳсил намуда, баъди хатми муваффақона ба донишгоҳ баргаштанд. Дар ин хусус имрӯз зимни нишасти матбуотӣ ректори Донишгоҳи миллии Тоҷикистон Эмомалӣ Насриддинзода иттилоъ дод.
Ректори донишгоҳ табодули академӣ байни донишгоҳҳоро яке аз омилҳои асосӣ дар самти баланд бардоштани сифати таҳсил ва таълим дониста, иброз намуд, ки «Донишгоҳи миллӣ дар ин самт бо Ҷумҳурии Мардумии Чин, Узбекистон, Қирғизистон, Қазоқистон, Русия ва Ҷопон ҳамкорӣ менамояд. Бисёре аз шаҳрвандони Ҳиндустон низ дар мо таҳсил мекунанд ва мубодилаи академӣ байни омӯзгорони мо ва омӯзгорони кишварҳои дигар идома дорад. Ин яке аз омилҳои ноил шудан ба болоравии дониш ва малакаи донишҷӯён дар самти азхудкунии илм ба шумор меравад. Яъне бо амалисозии мубодилаи академӣ мо аз таҷрибаи дигарон истифода бурда, он донишҳоро дар самти таълимии худ мавриди истифода қарор медиҳем».
Иттилоъ дода шуд, ки шумораи донишҷӯёне, ки аз донишгоҳҳои хориҷи мамлакат тибқи барномаи табодули академӣ ба Донишгоҳи миллии Тоҷикистон омадаанд, 10 нафарро ташкил медиҳад. Ин шумора дар давраи ҳисоботӣ нишондиҳандаи хуб аст.
Ҳамзамон иброз гардид, ки дар ин давра дар Донишгоҳи миллии Тоҷикистон 3 маркази омӯзишӣ- Маркази омӯзишии забони кореягӣ, Маркази ҷопоншиносӣ ва Маркази омӯзиши масоили муқовимат ба ҷинояткории муташаккили фаромиллӣ мавриди истифода қарор дода шуд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
