Олимпиадаи вилоятии «Ахтарони дониш» доир гардид
ДУШАНБЕ, 18.08.2025. /АМИТ «Ховар»/. 15 август дар Муассисаи давлатии «Кӯдакистони президентӣ»-и вилояти Суғд бори аввал Олимпиадаи вилоятии «Ахтарони дониш» байни кӯдакони синни томактабӣ баргузор гардид. Дар ин хусус ба АМИТ «Ховар» аз маркази матбуоти Вазорати маориф ва илми ҷумҳурӣ хабар доданд.
Ҳадафи баргузории ин олимпиада ташаккули рушди ҷисмонӣ, зеҳнӣ, математикӣ ва фарҳангии кӯдакони синни томактабӣ бо назардошти қобилият, шавқу рағбат ва хусусияти инфиродии онҳо, инчунин баланд бардоштани сатҳи забондонӣ дар муассисаҳои томактабӣ мебошад. Олимпиада имконият медиҳад, ки кӯдакон тавассути бозиҳои зеҳнӣ, вазифаҳои содаи математикӣ ва саволу ҷавобҳои тарбиявӣ истеъдоди худро муаррифӣ намоянд.
Масъулин баргузории чунин чорабиниҳоро иқдоми муҳим дар самти рушди малакаи зеҳнӣ ва эҷодии кӯдакон арзёбӣ намуданд.
Дар олимпиада кӯдакон аз тамоми шаҳру ноҳияҳои вилоят иштирок намуда, бо ҳам қувва озмуданд. Чорабинӣ дар фазои идона доир шуда, барои кӯдакон шароити мусоиди озмоиш ва ншон додани қобилият фароҳам оварда шуд.
Озмун аз 5 шарт иборат буд: нақл аз рӯи расм — «Оилаи ман», касби интихобкардаи ман, саволу ҷавоб аз рӯйи барномаи муассисаи томактабӣ, диктанти математикӣ ва ҳалли красворд.
Дар охир ҳамаи иштирокчиён барои ширкати фаъолона дар озмун бо сипосномаю туҳфаҳои хотиравӣ қадрдонӣ гардиданд.
АКС: Вазорати маориф ва илми Ҷумҳурии Тоҷикистон
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
