Омӯзгорони тоҷик дар даври омӯзишии байналмилалии «KLIC LEAD Global Workshop 2025» дар Корея иштирок доранд
ДУШАНБЕ, 06.08.2025 /АМИТ «Ховар»/. 30 омӯзгор аз Тоҷикистон дар даври омӯзишии байналмилалии «KLIC LEAD Global Workshop 2025» дар шаҳри Сеҷонги Ҷумҳурии Корея иштирок доранд.
Тавре АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад, даври омӯзишӣ 4 август оғоз ёфта, дар доираи татбиқи амалии Ёддошти тафоҳум байни Вазорати маориф ва илми Ҷумҳурии Тоҷикистон ва Идораи маорифи шаҳри Сеҷонг гузаронида мешавад.
Мақсади асосии ин ҳамкорӣ тақвияти иқтидори касбии омӯзгорон дар самти таҳсилоти рақамӣ, барномасозӣ, EduTech ва шиносоӣ бо зеҳни сунъӣ (AI) мебошад. Барномаи омӯзиш инчунин шиносоӣ бо муассисаҳои таълимии инноватсионӣ ва муҳити рақамии таълимии Кореяро фаро мегирад.
Ин ҳамкории нав ба омӯзгорони тоҷик имкон фароҳам меорад, ки бо таҷрибаи муосири давлатҳои пешрафта шинос шуда, донишҳои андӯхтаашонро дар рушди муҳити таълимии мактабҳои Тоҷикистон татбиқ намоянд. Омӯзиш қадами аввалин дар роҳи амалӣ гардонидани ҳадафҳои стратегӣ дар доираи Ёддошти тафоҳум мебошад.
Дар доираи ин ҳамкорӣ ҷонибҳо ният доранд, ки дар самти таҳияи маводи таълимии муштарак, гузаронидани машваратҳои илмӣ-амалӣ ва мубодилаи мунтазами омӯзгорон фаъолияти муштаракро густариш диҳанд.
Бояд гуфт, ки ин иқдом на танҳо ба баландбардории сифати таҳсилот мусоидат менамояд, балки дар ташаккули ҳамкории байналмилалӣ дар соҳаи маориф байни Тоҷикистону Корея низ нақши муассир хоҳад гузошт.
АКС: Вазорати маориф ва илми Ҷумҳурии Тоҷикистон
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
