ПАНҶСОЛАИ РУШДИ САНОАТ. Дар корхонаҳои нави саноатии Тоҷикистон дар ҳаҷми беш аз 95,3 миллион сомонӣ маҳсулот истеҳсол карда шудааст
ДУШАНБЕ, 07.08.2025 /АМИТ «Ховар»/. Соли 2025 дар Тоҷикистон 218 корхонаи нави саноатӣ бо 3 ҳазору 429 ҷойи кор ба фаъолият шуруъ намуд. Чунин иттилоъ дод Вазири саноат ва технологияҳои нави Ҷумҳурии Тоҷикистон Шералӣ Кабир 6 август зимни нишасти матбуотӣ ба хабарнигорон.
Шералӣ Кабир иброз дошт, ки дар ин дар вилояти Суғд 83 корхонаи нави саноатӣ бо 515 ҷойи кор ба истифода дода шуд. Дар Вилояти Мухтори Кӯҳистони Бадахшон 45 корхонаи нави саноатӣ ба фаъолият шуруъ намуд, ки дар натиҷа 125 ҷойи нави кор таъсис дода шуд.
Дар вилояти Хатлон дар ин давра 42 корхонаи нави саноатӣ ба фаъолият оғоз намуда, 270 ҷойи кори нав фароҳам оварда шуд. Инчунин дар навоҳии тобеи марказ 23 корхонаи нави саноатӣ бо 103 ҷойи кор ва дар шаҳри Душанбе 25 корхонаи нави саноатӣ бо 151 ҷойи кор ба фаъолият оғоз намуданд.
Самти фаъолияти корхонаҳои нави саноатӣ ба истеҳсоли маҳсулоти гуногуни воридотивазкунанда ва содиротӣ нигаронида шудааст. Вазири саноат ва технологияҳои нави мамлакат таъкид намуд, ки дар ин давра корхонаҳои нави саноатии мамлакат дар ҳаҷми беш аз 95,3 миллион сомонӣ маҳсулот истеҳсол намудаанд.
Шералӣ Кабир ҳамзамон иттилоъ дод, ки дар доираи Солҳои рушди саноат эълон гардидани солҳои 2022-2025 бо иштироки Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурӣ 168 корхонаи нави саноатӣ дар соҳаҳои гуногун- мошинсозӣ, хӯрокворӣ, саноати сабук, сохтмон, коркарди маъдан ва ғайра ба истифода дода шуданд.
Танҳо дар шашмоҳаи якуми соли 2025 бо иштироки Сарвари давлат дар шаҳру ноҳияҳои ҷумҳурӣ 16 корхонаи нави саноатӣ ба фаъолият шуруъ намуд.
Марзия САИДЗОДА,
АМИТ «Ховар»
АКС: АМИТ «Ховар»
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
