Таҳкими ҳамкории Донишгоҳи миллии Тоҷикистон бо Вазорати маориф ва илми Қатар баррасӣ карда шуд
ДУШАНБЕ, 20.08.2025 /АМИТ «Ховар»/. Масъалаҳои марбут ба густариши ҳамкории дуҷониба дар бахши илму маориф 19 август зимни мулоқоти роҳбарияти Донишгоҳи миллии Тоҷикистон бо гурӯҳи кории Вазорати маориф ва илми Қатар мавриди баррасӣ қарор гирифтанд.
Тавре АМИТ «Ховар» бо истинод ба Донишгоҳи миллии Тоҷикистон хабар медиҳад, дар мулоқот ҷонибҳо ба зарурати таҳкими равобити илмӣ ва таълимӣ, хусусан дар самти омӯзиши забонҳои хориҷӣ таваҷҷуҳи махсус зоҳир намуданд.
Ҷонибҳо ҳамчунин таъсиси Маркази омӯзиши забонҳо дар заминаи Донишгоҳи миллии Тоҷикистонро ҳамчун иқдоми муҳим арзёбӣ карда, изҳори омодагӣ намуданд, ки дар татбиқи он саъю кӯшиши муштарак ба харҷ диҳанд. Дар замони ҷаҳонишавӣ таҳкими раванди забономӯзӣ, табодули таҷрибаи устодону донишҷӯён ва татбиқи барномаҳои муштараки таълимӣ талаботи рӯз мебошад.
Мусоҳибон изҳори умед намуданд, ки ҳамкории судманди дуҷониба дар оянда боз ҳам густариш ёфта, барои рушди илму маориф ва муносибатҳои дӯстонаи Тоҷикистону Қатар заминаи мустаҳкам мегузорад.
АКС: Донишгоҳи миллии Тоҷикистон
«Гимназияи ба номи Ҷалол Икромӣ»-и ноҳияи Ховалинг барои 456 хонанда дар як баст пешбинӣ шудааст
«ШОҲНОМАХОНӢ». Дар Кӯлоб барои баргузории озмуни ҷумҳуриявӣ ҳамоиш доир гардид
Доир ба Истиқлолияти давлатӣ ва рушди саноати миллӣ конференсияи ҷумҳуриявӣ баргузор шуд
Истиқлолият ва таҳкими пояҳои давлатдорӣ дар партави рушди маориф
САМАРАИ ИСТИҚЛОЛИЯТ. Дар Тоҷикистон шумораи мактабҳои шакли нав бештар гардидааст
Дар давраи соҳибистиқлолии Тоҷикистон фанҳои табиию риёзӣ бештар рушд намуданд
МАОРИФ ВА ИСТИҚЛОЛИ ДАВЛАТӢ. Музди меҳнати кормандони ин соҳа давра ба давра беш аз 20 баробар зиёд карда шуд
МАОРИФ — ЗАМИНАИ УСТУВОРИ РУШДИ ВАҲДАТУ ИСТИҚЛОЛИЯТ. Дар ҳошияи суханронии Президенти Тоҷикистон дар Рӯзи дониш
ШУКУҲИ ИСТИҚЛОЛ. Таҳти ин унвон дар Донишгоҳи давлатии Бохтар ҳамоиш доир гардид
Дар шаҳри Турсунзода ба муносибати 34-солагии Истиқлоли давлатӣ ҷамъомади тантанавӣ баргузор гардид
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
Китоби «Тоҷикон» ба забони туркӣ рӯнамоӣ гардид
