Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
ДУШАНБЕ, 11.08.2025 /АМИТ «Ховар»/. Дар Душанбе мулоқоти муовини сардори Хадамоти гумруки назди Ҳукумати Ҷумҳурии Тоҷикистон Хуршед Шерализода бо ҳайати Намояндагии Агентии Ҷопон оид ба ҳамкории байналмилалӣ (JICA) таҳти роҳбарии хонум Негиши Саичи доир гардид. Зимни он масъалаи татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар ноҳияи Спитамени вилояти Суғд, ки дар масири Хатсайри байналмилалии транскаспӣ ҷойгир аст, баррасӣ карда шуд. Дар ин хусус АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад.
Дар мулоқот ба раванди таҳқиқоти мутахассисони ҷопонӣ таваҷҷуҳи махсус зоҳир карда шуд.
Хонум Негиши Саичи аз сатҳи ҳамкории дуҷониба изҳори қаноатмандӣ намуда, таъкид дошт, ки Ҷумҳурии Тоҷикистон дар минтақа барои JICA яке аз кишварҳои муҳим ба ҳисоб меравад. Таъмини рушди минбаъдаи ҳамкорӣ дар сатҳи зарурӣ муҳим мебошад.
Гурӯҳи кории JICA масъалаи таҳияи таҳқиқоти муфассал ва такмили лоиҳаи мазкурро бо ҳадафи таҳкими инфрасохтори сканкунии гумрукӣ мавриди муҳокима қарор дод.
Ҳайати JICA ҳамчунин бо намояндагони воҳидҳои марбутаи Хадамоти гумрук, аз ҷумла Раёсати ташкили назорати гумрукӣ, маъмурияти системаи идораи таваккал, Раёсати молиявию хоҷагӣ ва Раёсати назорати баъди барасмиятдарории гумрукӣ ва аудит вохӯриҳои алоҳида анҷом дода, ба саволҳо дар мавриди самтҳои дахлдор ҷавобҳои мушаххас гирифт.
Намояндагони ҷопонӣ инчунин бо фаъолияти Маркази коркарди маълумоти Хадамоти гумрук шинос гардиданд. Дар ин замина сардори маъмурияти системаи идораи таваккал ба ҳайати меҳмонон доир ба фаъолияти низомҳои мавҷуда маълумоти муфассал пешниҳод намуд.
Дар анҷоми мулоқот ҷонибҳо Протоколи ҷаласа оид ба гузаронидани таҳқиқоти омодасозӣ барои лоиҳаи такмили таҷҳизоти сканеркунии борҳо дар гумруки Спитаменро, ки дар хатсайри байналмилалии транскаспӣ ҷойгир аст, ба имзо расониданд. Ҷонибҳо барои густариш ва таҳкими ҳамкории мутақобили судманд дар самти фаъолияти гумрукӣ изҳори омодагӣ намуданд.
АКС: Хадамоти гумруки назди Ҳукумати Ҷумҳурии Тоҷикистон
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
