Ҳамкории Тоҷикистон ва Швейтсария дар самти татбиқи лоиҳаҳои беҳтарсозии идоракунии захираҳои об таҳким меёбад
ДУШАНБЕ, 15.09.2025 /АМИТ «Ховар»/. Масъалаҳои марбут ба татбиқи лоиҳаҳои беҳтарсозии идоракунии захираҳои об дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо роҳбари Дафтари Швейтсария оид ба ҳамкорӣ дар Тоҷикистон хонум Дениз Люти баррасӣ шуданд, иттилоъ медиҳад АМИТ «Ховар» бо истинод ба Вазорати энергетика ва захираҳои оби ҷумҳурӣ.
Дар мулоқот вазир аз сатҳи муносибатҳои дӯстона ва ҳамкории самарабахши Тоҷикистону Швейтсария дар соҳаҳои энергетика ва истифодаи оқилонаи захираҳои об изҳори қаноатмандӣ намуд. Ҳамзамон ҷонибҳо перомуни тавсеаи ҳамкорӣ дар самти татбиқи лоиҳаҳои беҳтарсозии идоракунии захираҳои об мубодилаи афкор намуданд.
Дениз Люти омодагии Швейтсарияро барои идомаи дастгирии лоиҳаҳои мавҷуда ва рушди ташаббусҳои нав, ки ба таҳкими иқтидори энергетикӣ ва обтаъминкунӣ равона шудаанд, баён дошт.
Дар анҷоми мулоқот ҷонибҳо зарурати идомаи муколамаи созанда ва густариши ҳамкориро барои расидан ба ҳадафҳои муштараки рушди устувор таъкид намуданд.
АКС: Вазорати энергетика ва захираҳои оби Ҷумҳурии Тоҷикистон
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
