Бахшида ба Рӯзи дониш дар Донишкадаи давлатии санъати тасвирӣ ва дизайни Тоҷикистон ҷамъомад доир шуд
ДУШАНБЕ, 01.09.2025 /АМИТ «Ховар»/. Имрӯз дар Донишкадаи давлатии санъати тасвирӣ ва дизайни Тоҷикистон бахшида ба Рӯзи дониш ва Дарси сулҳ ҷамъомад баргузор гардид, хабар доданд ба АМИТ «Ховар» аз ин донишкада.
Ректори донишкада Сироҷиддин Ҷурахонзода таъкид намуд, ки Тоҷикистони соҳибистиқлол таҳти сарварии Президенти Ҷумҳурии Тоҷикистон муҳтарам Эмомалӣ Раҳмон дар роҳи таҳкими давлатдорӣ ва созандагӣ қадамҳои устувор мегузорад. Дар ин раванд нақши илму маориф ва фарҳангу санъат беназир аст. Маҳз омӯзгорон бо заҳмати софдилонаю садоқатмандӣ ояндаи миллатро месозанд ва фарзандони моро дар руҳияи худшиносӣ, меҳанпарастӣ ва созандагӣ тарбия менамоянд.
Бо дастгириҳои Пешвои миллат мақоми омӯзгор дар ҷомеа пайваста боло рафта, ҳамчун заминаи ҳуқуқӣ Қонуни Ҷумҳурии Тоҷикистон «Дар бораи мақоми омӯзгор» таҳияву барои тасдиқ ба Маҷлиси намояндагони Маҷлиси Олии мамлакат фиристода шудааст.
«Ҳамзамон бо ин дар солҳои Истиқлоли давлатӣ бо ҳидоят ва дастгириҳои Сарвари давлат сол аз сол вазъи иҷтимоии кормандони соҳаи илму маориф беҳтар мешавад. Дар ин маврид метавон иқдоми навбатии Президенти Ҷумҳурии Тоҷикистон муҳтарам Эмомалӣ Раҳмонро дар мавриди дар қатори ҳама муассисаҳои самти иҷтимоӣ аз 1 сентябри соли 2025 аз 20 то 30 фоиз зиёд намудани маоши вазифавии кормандони муассисаҳои илму маориф ёдоварӣ намуд»,- гуфт ректори донишкада.
Муовини Вазири фарҳанги Ҷумҳурии Тоҷикистон Манучеҳр Шарифзода иброз дошт, ки ҳадафи асосии давлату Ҳукумати мамлакат таҳкими пояҳои Истиқлоли давлатӣ, боло бурдани сатҳи саводнокӣ ва тарбияи шаҳрвандони соҳибмаърифату ватандӯст мебошад. Ин вазифа бар дӯши устодон, падару модарон ва хонандагону донишҷӯён гузошта шудааст. Аз ин рӯ, онҳо бояд ҳамеша барои баланд бардоштани сифати таълим, ҳифзи арзишҳои миллӣ ва таҳкими сулҳу ваҳдат саъю кӯшиш намоянд. Имрӯз дар Тоҷикистон барои таҳкими давлатдорӣ ва раванди созандагӣ, аз ҷумла таълиму тарбияи насли солиму бомаърифат, ки бояд дар ояндаи дурахшони ҷумҳурӣ саҳм гузорад, заминаҳои мусоид фароҳам оварда шудаанд.
АКС: Донишкадаи давлатии санъати тасвирӣ ва дизайни Тоҷикистон
Дар Академияи идоракунии давлатӣ оид ба саҳми матбуот дар рушди давлатдории миллӣ ҳамоиши илмӣ-фарҳангӣ доир шуд
Доир ба шароити нигоҳдории солимии психологӣ дар муҳити муассисаҳои таълимӣ ҳамоиш баргузор шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Донишгоҳи байналмилалии забонҳои хориҷии Тоҷикистон ашъори Робиаи Балхиро бо 9 забони хориҷӣ қироат карданд
Дар Донишгоҳи технологии Тоҷикистон Рӯзи Модар бошукуҳ таҷлил гардид
Модар сарчашмаи меҳру муҳаббат ва неруи бузурги маънавии ҷомеа мебошад
МОДАР — ЧАРОҒИ РОҲНАМОИ ФАРЗАНД. Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Модар бошукуҳ таҷлил гардид
Дастовардҳои соҳаи мошинсозӣ ва технологияҳои истеҳсолӣ дар конференсияи байналмилалӣ баррасӣ гардиданд
Дар Донишкадаи кӯҳию металлургии Тоҷикистон бахшида ба Рӯзи матбуоти тоҷик ҳамоиш доир шуд
Дар Корхонаи воҳиди давлатии «Роҳи оҳани Тоҷикистон» Рӯзи Модарро таҷлил намуданд
Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
Ҷомеае, ки занони босавод, фаъол ва худшинос дорад, метавонад ба сӯи ояндаи равшан ва ободу осуда қадам гузорад
