Бунёди ҷаҳонии AIM барои татбиқи лоиҳаҳо дар самти энергияи барқароршавандаи Тоҷикистон изҳори омодагӣ намуд
ДУШАНБЕ, 18.09.2025 /АМИТ «Ховар»/. 17 сентябр вохӯрии муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода бо Президенти Бунёди ҷаҳонии Annual Investment Meeting (AIM) Довуд Ал-Шезавӣ баргузор гардид, ки зимни он ҷонибҳо имконияти истифоданашударо дар соҳаҳои саноат ва энергияи «сабз» мавриди баррасӣ қарор доданд. Дар ин хусус ба АМИТ «Ховар» аз Вазорати рушди иқтисод ва савдои мамлакат хабар доданд.
Аҳлиддин Нуриддинзода изҳор намуд, ки бо шарофати сиёсати хирадмандонаи сарони ҳарду давлат- Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Амороти Муттаҳидаи Арабӣ муҳтарам Шайх Муҳаммад бин Зоид Оли Наҳён муносибатҳои дуҷониба ба сатҳи баланд баромаданд.
Иттилоъ дода шуд, ки ҳаҷми гардиши мутақобили мол байни ду давлат дар 9 моҳи соли 2025 беш аз 2 баробар афзуд. Бо вуҷуди ин ҷонибҳо зарурати тавсеаи тиҷорати дутарафаро таъкид намуда, ба мувофиқа расиданд, ки имконияти истифоданашударо дар соҳаҳои саноат, энергияи «сабз», кишоварзӣ, авиатсия, сайёҳӣ ва логистика пурра истифода намоянд.
Баъд аз муҳокимаи самтҳои афзалиятноки ҳамкорӣ ҷонибҳо барои рушди инфрасохтор, ҷалби сармояи хориҷӣ ва ворид намудани технологияҳои нав изҳори омодагӣ намуданд. Ҳамзамон таъкид гардид, ки Тоҷикистон барои татбиқи лоиҳаҳои бузурги минтақавӣ, аз ҷумла дар соҳаи энергияи барқароршаванда, истеҳсолу коркарди маҳсулоти кишоварзӣ, инчунин рушди кластерҳои саноатӣ имконияти фаровон дорад.
Дар анҷоми вохӯрӣ ҷонибҳо изҳори итминон карданд, ки ҳамкории Тоҷикистон ва Аморати Муттаҳидаи Арабӣ дар доираи платформаи AIM ба густариши муносибатҳои иқтисодӣ, афзоиши гардиши мол ва ҷалби сармоягузориҳои мутақобил мусоидат мекунад.
АКС: Вазорати рушди иқтисод ва савдои Ҷумҳурии Тоҷикистон
Масъалаи иштироки Тоҷикистон дар ташаббусҳои марбут ба иқлим ва саломатӣ баррасӣ шуд
Ба кормандони соҳаи барқи пойтахт 5 мошини барқӣ тақдим карда шуд
Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд
Аз 1 октябр молу воситаҳои нақлиёти воридотӣ ва содиротӣ тавассути низоми «АСИКУДА-и ҷаҳонӣ» ба расмият дароварда мешаванд
Дар Алмато беш аз 900 тонна маҳсулоти кишоварзӣ аз вилояти Хатлон ба намоиш гузошта шуд
Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
