Дар ҳамаи муассисаҳои таълимии Тоҷикистон занги аввал садо дод
ДУШАНБЕ, 01.09.2025. /АМИТ «Ховар»/. Субҳи имрӯз бахшида ба Рӯзи дониш ва Дарси сулҳ дар ҳамаи муассисаҳои таълимии мамлакат занги аввал садо дод. Дар Муассисаи таҳсилоти миёнаи умумии рақами 91-и ноҳияи Синои шаҳри Душанбе дар соли таҳсили нави 2025-2026 беш аз 340 нафар кӯдакон нахустин маротиба ба мактаб қадам монданд, иттилоъ медиҳад хабарнигори АМИТ «Ховар».
Тавре директори Муассисаи таҳсилоти миёнаи умумии рақами 91-и ноҳияи Синои шаҳри Душанбе Муҳиддин Ғиёсов дар суҳбат иброз намуд, Президенти Ҷумҳурии Тоҷикистон Пешвои миллат муҳтарам Эмомалӣ Раҳмон дар яке аз суханрониҳояшон иброз намуданд, ки «аҳли маорифро зарур аст низоми таълиму тарбия ва мактабу маорифро дар заминаи сарватҳои бебаҳои маънавию ахлоқӣ, таърихию фарҳангӣ, анъанаҳои деринаи тарбиявии халқамон ва бо назардошти тақозои замони муосир, ниёзҳои давлати соҳибистиқлоли демократӣ, ҳуқуқбунёду дунявӣ ва арзишҳои умумибашарӣ пеш баранд».
Иброз шуд, ки илму дониш чароғи равшанест, ки ба зиндагии инсоният нуру сафои зиёд мебахшад. Касе, ки аз илм баҳраманд бошад, қалби нуронию руҳи қавӣ дорад ва ба атрофиён ҳамеша бо неруи дониш таъсири мусбат мерасонад. Аз ин рӯ хонандагони моро зарур аст, ки бо истифода аз шароиту имконоти мавҷуда пайи омӯзиши илму дониш шуда, ҳамчун мутахассисони соҳибкасб дар рушду тараққии ҷомеа нақши созгор гузоранд.
Иттилоъ дода шуд, ки дар Муассисаи таҳсилоти миёнаи умумии рақами 91-и ноҳияи Синои шаҳри Душанбе шароиту имконият барои соли таҳсили 2025-2026 омода мебошад. Омӯзгорони муассиса барои гузариш ба низоми 10-хола аз даврҳои омӯзишӣ гузаштаанд.
«Гузариш ба низоми 10-холаи баҳогузорӣ иқдоми муҳими педагогӣ мебошад, ки дар он сифати арзёбӣ ва таъсири он ба рушди шахсият ба таври ҷиддӣ такмил меёбад. Ин низом бо фароҳам овардани имкони арзёбии дақиқ ва муфассал на танҳо сатҳи дониш ва малакаи хонандаро бо назардошти ҳар ҷузъиёт муайян мекунад, балки ба ташаккули ангеза ва масъулияти шахсӣ низ таъсири амиқ мерасонад»,- иброз дошт Муҳиддин Ғиёсов.
Иброз гардид, ки омӯзгорони ин муассиса ҳамеша талош менамоянд, ки дастуру ҳидоятҳои сарнавиштсози Пешвои миллатро бобати таъмини рушди бонизому сифатноки соҳаи илму маориф ҳамаҷониба иҷро намоянд.
АКС: АМИТ «Ховар»
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
Дар Донишгоҳи давлатии Хуҷанд омӯзиши забони фаронсавӣ баррасӣ гардид
Дар Академияи идоракунии давлатӣ оид ба таҷдид ва рушди фарҳанги миллӣ машварати илмӣ баргузор шуд
Донишгоҳи давлатии Хуҷанд ва Донишгоҳи почта ва телекоммуникатсияи Чунсини Чин Ёддошти тафоҳум ба имзо расониданд
Дар Донишгоҳи давлатии тиҷорати Тоҷикистон Стратегияи муқовимат ба терроризм ва экстремизм дар Ҷумҳурии Тоҷикистон баррасӣ гардид
Донишгоҳи давлатии Бохтар бо Донишгоҳи Ҳамад ибни Халифаи Қатар ҳамкориро тақвият мебахшад
Ректорони донишгоҳҳои Тоҷикистон бо ректори Донишгоҳи Ҳамад ибни Халифаи Қатар вохӯрӣ намуданд
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
