Дар Душанбе ҷаласаи 81-уми Шурои роҳбарони хадамоти гумруки кишварҳои аъзои ИДМ доир гардид
ДУШАНБЕ, 26.09.2025 /АМИТ «Ховар»/. Имрӯз дар шаҳри Душанбе ҷаласаи 81-уми Шурои роҳбарони хадамоти гумруки кишварҳои аъзои Иттиҳоди Давлатҳои Мустақил баргузор гардид, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Дар ҷаласа дар радифи ҳайатҳои расмии Тоҷикистон, Арманистон Озарбойҷон, Қазоқистон, Қирғизистон, Русия, Туркманистон ва Узбекистон, инчунин намояндагони Кумитаи иҷроияи Иттиҳоди Давлатҳои Мустақил иштирок намуданд.
Дар ҷаласа муовини якуми Сарвазири Ҷумҳурии Тоҷикистон Ҳоким Холиқзода суханронӣ намуд.
Тазаккур дода шуд, ки баргузории ҷаласаи 81-уми Шурои роҳбарони хадамоти гумруки кишварҳои аъзои Иттиҳоди Давлатҳои Мустақил дар шаҳри Душанбе дар доираи раёсати Тоҷикистон дар Иттиҳоди Давлатҳои Мустақил дар соли 2025 гузаронида шуд. Он бозгӯи нақши фаъоли Тоҷикистон дар таҳкими ҳамкории минтақавӣ ва рушди раванди ҳамгироӣ дар соҳаи гумрук мебошад.
Дар ҷаласаи 81-уми Шурои роҳбарони хадамоти гумруки кишварҳои аъзои Иттиҳоди Давлатҳои Мустақил 16 масъалаи муҳими марбут ба ҳамкорӣ дар соҳаи гумрук баррасӣ гардид. Аз ҷумла, роҳбарони мақомоти гумруки кишварҳои аъзои Иттиҳоди Давлатҳои Мустақил масъалаҳои таснифоти баъзе молҳо, назорат аз болои контейнерҳои муваққатан воридшуда, мубодилаи таҷриба дар шиносоии воситаҳои нақлиёти гибридӣ ва тасдиқи нақшаи кори Шуро барои соли 2026-ро баррасӣ намуданд.
Дар ҷаласа ҳамзамон қарор оид ба имзои Созишнома дар бораи таъсиси Маркази экспертиза ва таҳқиқот қабул гардид. Ҳадафи он муттаҳидсозии усулҳо ва ҳамоҳангсозии корҳо ҳангоми гузаронидани экспертизаҳои гумрукӣ мебошад. Ин барои Хадамоти гумруки Тоҷикистон дар татбиқи усулҳои муосири таҳлил ва густариши ҳамкорӣ бо кишварҳои аъзои Иттиҳоди Давлатҳои Мустақил имконияти нав фароҳам меорад.
Дар ҷаласа ба масъалаи татбиқи технологияҳои иттилоотии муосир, таҳкими амнияти гумрукӣ ва рушди ҳамкории дуҷониба ва бисёрҷониба таваҷҷуҳи хосса зоҳир гардид.
Дар анҷоми ҷаласа самтҳои афзалиятноки ҳамкории минбаъда муайян ва чорабиниҳои омодагӣ ба ҷаласаи 82-уми Шуро, ки соли 2026 баргузор мегардад, мувофиқа карда шуданд.
Натиҷаи ҷаласа барои баланд бардоштани самаранокии ҳамкории минтақавӣ, ҳамоҳангсозии расмиёти гумрукӣ ва амалӣ намудани стандартҳои байналмилалӣ дар фаъолияти мақомоти гумруки кишварҳои аъзои Иттиҳоди Давлатҳои Мустақил аҳамияти калон дорад.
АКС: Хадамоти гумруки назди Ҳукумати Ҷумҳурии Тоҷикистон
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
