Дар Кӯлоб барномаҳои рушди иҷтимоию иқтисодӣ ва сиёсии Тоҷикистон баррасӣ гардиданд
ДУШАНБЕ, 04.09.2025. /АМИТ «Ховар»/. Дар асоси ҷадвали баргузории мулоқоти вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон дар шаҳру ноҳияҳои минтақаи Кӯлоб силсилавохӯриҳо доир гардиданд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Кӯлоб хабар доданд.
Зимни мулоқот вакилони мардумӣ доир ба муҳтавои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ, ҳадафҳои стратегии Ҳукумати мамлакат, барномаҳои рушди иҷтимоию иқтисодӣ ва сиёсати дохиливу хориҷии давлат маълумоти муфассал манзур намуданд.
Ҳамзамон дар суҳбатҳо масъалаҳои марбут ба боло бурдани сатҳи зиндагии мардум, вусъат бахшидани корҳои созандагӣ дар арафаи ҷашни 35-солагии Истиқлолияти давлатӣ, истифодаи оқилонаи обу замин, сарфаи неруи барқ, баланд бардоштани маърифати ҳуқуқӣ ва эҳсоси худшиносии миллӣ мавриди баррасӣ қарор гирифтанд.
Интихобкунандагон бо қаноатмандӣ изҳор доштанд, ки сиёсати оқилона ва хирадмандонаи Пешвои миллат заминаи асосии сулҳу субот ва пешрафти устувори мамлакат мебошад. Онҳо ҳамзамон якчанд пешниҳоди судмандро доир ба ҳалли мушкилоти маҳаллӣ, аз ҷумла беҳдошти роҳу кӯчаҳо, рушди соҳаи кишоварзӣ ва баланд бардоштани сатҳи хизматрасонии иҷтимоӣ баён карданд.
Вакилони Маҷлиси намояндагон иброз доштанд, ки пешниҳодҳои сокинон ба назар гирифта шуда, дар асоси имконияти қонунгузорӣ барои ҳалли онҳо тадбир андешида мешавад.
АКС: Мақомоти иҷроияи ҳокимияти давлатии шаҳри Кӯлоб
Ҷаласаи навбатии Кумитаи доимии масъалаҳои иҷтимоӣ ва фарҳангии Ассамблеяи парламентии Осиё баргузор мешавад
Ҷаласаи ғайринавбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Тоҷикистону Чин робитаҳои байнипарламентиро густариш медиҳанд
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
