Дар Норак ҷаласаи дуюми Шурои ҳавзаи дарёи Вахш баргузор гардид

ДУШАНБЕ, 27.09.2025 /АМИТ «Ховар»/. 26 сентябр дар шаҳри Норак ҷаласаи дуюми Шурои ҳавзаи дарёи Вахш бо иштироки  намояндагони вазорату идораҳо, ташкилоти байналмилалӣ ва ҷомеаи шаҳрвандӣ баргузор гардид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.

Дар ҷаласа муовини якуми Вазири энергетика ва захираҳои оби Ҷумҳурии Тоҷикистон Ҷамшед Шоимзода иброз дошт, ки дарёи Вахш на танҳо манбаи муҳими об барои кишоварзӣ ва энергетика аст, балки дар рушди устувори минтақа омили калидӣ ба шумор меравад.

Тағйирёбии иқлим ва афзоиши талабот ба захираҳои об моро водор месозад, ки ҳамкориро дар сатҳи ҳавзаи дарё тақвият бахшем.

Дар ҷаласа масъалаҳои муҳими ҳамоҳангсозии идоракунии захираҳои об, нақши ҷомеа ва таъсири иқлим ва ҷараёни татбиқи лоиҳаҳои амалкунанда баррасӣ карда шуданд.

Инчунин Нашқаи кори Шурои ҳавзавӣ барои соли 2026 тасдиқ гардид.

 АКС: Вазорати энергетика ва захираҳои оби Ҷумҳурии Тоҷикистон