Фонди авруосиёии муътадилгардонӣ ва рушд барои татбиқи лоиҳаҳои афзалиятноки Тоҷикистон изҳори омодагӣ намуд
ДУШАНБЕ, 27.09.2025. /АМИТ «Ховар»/. 26 сентябр дар доираи ҷаласаи Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Федератсияи Русия дар шаҳри Москва мулоқоти Вазири молияи Ҷумҳурии Тоҷикистон Файзиддин Қаҳҳорзода бо директори иҷроияи Фонди авруосиёии муътадилгардонӣ ва рушд Андрей Широков баргузор гардид. Зимни он ҷонибҳо аҳамияти густариши ҳамкориро таъкид намуда, нақши фондро дар дастгирии суботи молиявӣ ва рушди устувори иқтисодии Тоҷикистон муҳим арзёбӣ карданд.
Тавре аз Вазорати молияи мамлакат ба АМИТ «Ховар» хабар доданд, зимни мулоқот саҳми фонд дар татбиқи лоиҳаҳои инфрасохторӣ, энергетикӣ ва иҷтимоӣ дар Тоҷикистон баланд арзёбӣ гардида, ҷонибҳо барои густариши ҳамкорӣ ва истифодаи бештари имконоти молиявии фонд дар татбиқи лоиҳаҳои афзалиятноки мамлакат ибрози омодагӣ намуданд.
Зимни вохӯрӣ ҷонибҳо роҳҳои амалии тавсеаи ҳамкориро баррасӣ карда, ба зарурати таҳияи лоиҳаҳои афзалиятнок дар самтҳои дастгирии буҷет, энергетика, нақлиёт, рақамикунонӣ, обу кишоварзӣ ва дастгирии бахши хусусӣ ишора намуданд.
Ҷонибҳо иброз доштанд, ки ҳамкории Тоҷикистон бо Фонди авруосиёии муътадилгардонӣ ва рушд дар марҳилаҳои оянда низ густариш ёфта, барои маблағгузории лоиҳаҳои афзалиятноки мамлакат, ки ба рушди иҷтимоию иқтисодӣ ва баланд бардоштани сатҳи некӯаҳволии аҳолӣ мусоидат менамоянд, корҳои назаррас анҷом дода мешаванд.
АКС: Вазорати молияи Ҷумҳурии Тоҷикистон
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
