Исломиддин Раҳмон дар ҳамоиши Кумитаи байналмилалии вазну ченак дар Тошканд иштирок намуд
ДУШАНБЕ, 26.09.2025. /АМИТ «Ховар»/. Директори Агентии «Тоҷикстандарт» Исломиддин Раҳмон дар ҳамоиши байналмилалии «Мушкилот ва имкониятҳои CIPM MRA (Созишнома оид ба эътирофи мутақобилаи Кумитаи байналмилалии вазну ченак)», ки дар шаҳри Тошканди Ҷумҳурии Узбекистон баргузор гардид, иштирок намуд. Дар ин хусус АМИТ «Ховар» бо истинод ба Агентии «Тоҷикстандарт» хабар медиҳад.
Дар ҳамоиш директори Бюрои байналмилалии ченаку вазн (BIPM) бо ҳайати корӣ ва роҳбарону намояндагони ташкилоти байналмилалии метрологӣ, аз ҷумла SIM, EURAMET, COOMET, AFRIMET, APMP, GULFMET иштирок намуданд.
Ҳадаф аз баргузории ҳамоиш баррасии камбудиҳо ва имконияти глобалии CIPM MRA, табодули таҷриба ва муайян кардани қадамҳои аввалин барои аъзо шудан ба Бюрои байналмилалии ченак ва вазн буд.
Дар самти рушди таъмини ченаки ягона Агентии «Тоҷикстандарт» бо ташкилоти байналмилалӣ, муассиса ва пажӯҳишгоҳҳои метрологӣ ҳамкориро тақвият дода, дар ин замина иштироки намояндагони Агентӣ дар ҷаласаву семинарҳои байналмилалӣ барои омӯзиши таҷрибаи давлатҳои пешрафта ва татбиқи он дар фаъолият аҳамияти муҳим дорад.
АКС: Агентии «Тоҷикстандарт»
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
