Парвозҳои мустақим дар масири Сиан-Душанбе-Сиан оғоз гардиданд
ДУШАНБЕ, 16.09.2025 /АМИТ «Ховар»/. Имрӯз парвозҳои мустақим дар масири Сиан-Душанбе-Сиан /Чин/ оғоз гардиданд, иттилоъ медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Оғози парвозҳо дар ин масир дар доираи таҳкими ҳамкории авиатсионӣ байни Тоҷикистон ва Чин ба роҳ монда шудааст.
Парвозҳо дар хатсайри Сиан-Душанбе-Сиан аз ҷониби ширкати ҳавопаймоии чинии «Zhejiang Loong Airlines» ҳафтае ду маротиба — рӯзҳои сешанбе ва ҷумъа анҷом дода мешаванд.
Бояд гуфт, ки 21 августи соли 2025 дар Агентии авиатсияи граждании назди Ҳукумати Ҷумҳурии Тоҷикистон вохӯрии Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо Сафири Фавқулода ва Мухтори Ҷумҳурии Мардумии Чин дар Ҷумҳурии Точикистон Го Жиҷун баргузор гардид. Дар он ҷонибҳо масъалаи тақвияти ҳамкориро дар рушди соҳаи авиатсияи гражданӣ, ифтитоҳи хатсайрҳои мустақими ҳавоӣ дар самти Душанбе – Сиан ва Душанбе – Гуанҷоу, инчунин мукаммал намудани парвозҳоро дар масири Душанбе – Урумчӣ ва Душанбе – Пекин баррасӣ намуданд.
Ёдовар мешавем, ки чанде қабл байни шаҳрҳои Душанбе-Пекин ва Қошғар –Хуҷанд парвозҳои мустақими ҳавоӣ оғоз гардида буданд.
АКС: Агентии авиатсияи граждании назди Ҳукумати Ҷумҳурии Тоҷикистон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
