Тақвияти ҳамкории Тоҷикистон ва Чин дар соҳаҳои технологияҳои иттилоотию рақамӣ баррасӣ гардид
ДУШАНБЕ, 16.09.2025 /АМИТ «Ховар»/. Дар ҳошияи Форуми БРИКС оид ба шарикӣ дар самти «интиқоли саноати ҷадид» Директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Мирзо бо Вазири саноат ва технологияҳои иттилоотии Ҷумҳурии Мардумии Чин Ли Леченг мулоқоти расмӣ анҷом дода, таҳкими ҳамкориро дар соҳаҳои технологияҳои иттилоотию рақамӣ баррасӣ намуданд. Дар ин хусус АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад.
Дар мулоқот ҷонибҳо рушди ҳамкорӣ дар соҳаҳои саноат, технологияҳои иттилоотию рақамӣ, тақвияти барномаҳои омӯзиши кадрҳои баландихтисос ва амалисозии санадҳои ҳамкории дуҷонибаи баимзорасидаро баррасӣ намуданд.
Инчунин самтҳои муштараки академӣ, аз ҷумла тақвияти ҳамкорӣ бо донишгоҳҳои пешсафи Чин, аз ҷумла Синхуа, Пекин, Нанчин, Шанхай Ҷиао Тонг, омода намудани барномаҳо, стипендияҳо барои донишҷӯёни тоҷик дар соҳаҳои технологияҳои рақамӣ, зеҳни сунъӣ ва маркази додаҳо мавриди баррасӣ қарор гирифтанд.
Ҷонибҳо тавсеаи ҳамкориро дар доираи платформаҳои БРИКС, Иттиҳоди Байналмилалии Телекоммуникатсионӣ (ITU) ва саҳмгузорӣ ба ташаббусҳои рушди устувор изҳор намуданд.
Ҷонибҳо барои пайгирии масъалаҳои баррасишуда ва ба роҳ мондани тадбирҳои амалӣ ба мувофиқа расиданд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
