Тоҷикистон ва Чин ҳамкориро дар соҳаи саноати кӯҳкорӣ ва технологияҳои нав тақвият медиҳанд
ДУШАНБЕ, 03.09.2025 /АМИТ «Ховар»/. Тоҷикистон ва Чин ҳамкориро дар соҳаи саноати кӯҳкорӣ ва технологияҳои нав тақвият медиҳанд. Дар иртибот ба ин дар пойтахти Чин — шаҳри Пекин байни Вазорати саноат ва технологияҳои нави Ҷумҳурии Тоҷикистон ва Вазорати захираҳои табиии Ҷумҳурии Мардумии Чин оид ба ҳамкорӣ дар соҳаи маъданҳои кӯҳӣ ва технологияҳои нав Ёддошти тафоҳум ба имзо расид. Дар ин хусус ба АМИТ «Ховар» аз Вазорати саноат ва технологияҳои нави Ҷумҳурии Тоҷикистон иттилоъ доданд.
Ёддошти тафоҳум бо мақсади таҳкими ҳамкорӣ дар соҳаи саноати кӯҳкорӣ ва технологияҳои нав, фароҳам овардани шароити мусоиди ҳамкории истеҳсолӣ ва илмию техникӣ барои рушди устувори ҳарду давлат ба имзо расид.
Дар асоси ин санад Тоҷикистон ва Чин ҳамкориро дар соҳаҳои ҷустуҷӯ ва коркарди захираҳои маъданӣ ва масолеҳи сохтмони саноатӣ, инчунин дар соҳаи технологияҳои нав, истифодаи зеҳни сунъӣ дар ҷустуҷӯ ва кашфи канданиҳои фоиданоки маъданӣ, татбиқи тарҳҳои муштарак, таъсиси корхонаҳои муштарак, гузаронидани омӯзиши кормандон ва баланд бардоштани сатҳи ихтисоси кадрӣ ва ба роҳ мондани технологияҳои муосир дар саноати кӯҳкорӣ тақвият медиҳанд.
Марзия САИДЗОДА,
АМИТ «Ховар»
АКС: АМИТ «Ховар»
Соли 2025 аз ҳисоби андозҳо ва пардохтҳои дохилӣ ба буҷети давлатӣ 26,5 миллиард сомонӣ маблағ ворид гардид
Президенти Тоҷикистон Эмомалӣ Раҳмон: «Масъалаи захираи дусолаи маводи хӯрокворӣ дар ҳар оила нисбат ба ҳарвақта мубрамтар мегардад»
Дар Душанбе Конференсияи I байналмилалӣ оид ба масъалаҳои молия ва баҳисобгирӣ баргузор шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Ҳайати Тоҷикистон дар Саммити зеҳни сунъӣ дар Деҳлии Нав иштирок менамояд
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
