Эмомалӣ Раҳмон: «Таҷлили Меҳргон далели эҳтиром ба фарҳанги қадима ва суннатҳои созандаи миллати тоҷик аст»
ДУШАНБЕ, 19.10.2025 /АМИТ «Ховар»/. Имрӯз Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар паёми шодбошӣ ба муносибати Иди Меҳргон таъкид намуданд, ки таҷлили ин ҷашн ҳамчун ойини миллии ниёгон далели эҳтиром ба фарҳанги қадимаи тоҷикон ва эҳёи арзишҳои созандаву накуи он мебошад.
Пешвои миллат тазаккур доданд, ки аз давраҳои қадим гузаштагони мо кишоварзу боғдор буданд ва дар баробари корҳои деҳқонӣ одобу русум ва суннатҳои маънавии неку созандаро ба мерос гузоштаанд. Ба ҳукми анъана даромадани таҷлили Меҳргон ва дигар ойинҳои мардумӣ далели он аст, ки миллати куҳанбунёди тоҷик рӯ ба арзишҳои фарҳангии гузашта оварда, густариши онҳоро вазифаи бошарафи худ мешуморад.
Иброз гардид, ки идома додани суннату анъанаҳои миллӣ, аз ҷумла истифодаи оқилонаи обу замин ва дигар сарватҳои табиат, дар шароити имрӯза вазифаи бисёр муҳим мебошад.
Президенти мамлакат аз кишоварзон даъват ба амал оварданд, ки бо масъулият ба ҷамъоварии пурраи ҳосил, захираи маҳсулот, кишти тирамоҳӣ ва гузоштани замина барои ҳосили фаровони соли оянда таваҷҷуҳи ҷиддӣ зоҳир намоянд, то бозори истеъмолии кишвар, хусусан дар фасли зимистон, бо маҳсулоти озуқа таъмин гардад.
Сарвари давлат ҳамчунин изҳор доштанд, ки вазъи ноороми сайёра, тағйирёбии иқлим ва оқибатҳои ногувори он, таҳримҳои иқтисодиву молиявӣ ва омилҳои дигар дар бисёр мамлакатҳои ҷаҳон боиси болоравии бесобиқаи нархи маҳсулоти кишоварзӣ ва маводи ғизоӣ мегарданд. Аз ин рӯ, таъкид карда шуд, ки ҳамаи масъулон ва мутахассисони соҳаи кишоварзӣ бояд барои таъмини амнияти озуқавории кишвар бештар аз ҳар вақт заҳмат кашанд, истеҳсол ва захираи маҳсулотро афзоиш диҳанд.
«Бо густариш додани ойину ҷашнҳои миллати бостониямон ва дигар суннатҳои неки мардумамон мо бояд минбаъд низ тамоми саъю талоши худро ба хотири рушди кишвар, ободии Ватан, дар арсаи байналмилалӣ боз ҳам баланд бардоштани обрӯи давлат ва мунтазам беҳтар гардонидани шароити зиндагии халқамон равона созем», — таъкид намуданд Пешвои миллат.
АКС аз бойгонӣ
Дар Федератсияи Русия бахшида ба бузургдошти Аҳмади Дониш конфронси байналмилалӣ доир шуд
Ҳайати Тоҷикистон дар Конгресси байналмилалии «Мероси маънавӣ ва маърифатӣ дар Осиёи Марказӣ» иштирок намуд
«ЧЕҲРАИ МИЛЛАТ». Ба ифтихори Рӯзи Президенти Тоҷикистон барномаи фарҳангӣ-адабӣ доир шуд
«ФУРӮҒИ СУБҲИ ДОНОӢ КИТОБ АСТ». 14 ноябр даври ниҳоии озмуни ҷумҳуриявӣ оғоз мегардад
13 НОЯБР-РӮЗИ ТАЪСИСИ ТЕЛЕВИЗИОНИ «ШАҲНАВОЗ». Ин шабакаи мусиқӣ дар рушди фарҳанги миллӣ нақши муҳим дорад
«АБАРМАРДИ ТАЪРИХСОЗ». Бахшида ба Рӯзи Президент китоби академик Фарҳод Раҳимӣ рӯнамоӣ гардид
Сокинони ноҳияи Восеъ соҳиби туҳфаи Пешвои миллат — «Шоҳнома»-и безавол мегарданд
Туҳфаи Президенти Тоҷикистон- «Шоҳнома»-и Ҳаким Фирдавсӣ ба собиқадорони ноҳияи Ёвон тақдим гардид
Дар Душанбе Анҷумани XVI нависандагони Тоҷикистон баргузор гардид
Имрӯз дар Боғи Куруши Кабир «Кӯчаи сайёҳии мавсимӣ» ифтитоҳ мегардад
«ЧЕҲРАИ МИЛЛАТ». Таҳти чунин унвон ба ифтихори Рӯзи Президент китоб ба нашр расид
Ҳунарҳои миллӣ бо усули «хона ба хона», «деҳа ба деҳа» ва «маҳал ба маҳал» тарғиб карда мешаванд
