«АБАРМАРДИ ТАЪРИХСОЗ». Бахшида ба Рӯзи Президент китоби академик Фарҳод Раҳимӣ рӯнамоӣ гардид
ДУШАНБЕ, 12.11.2025 /АМИТ «Ховар»/. Бахшида ба Рӯзи Президенти Ҷумҳурии Тоҷикистон 11 ноябр дар Академияи миллии илмҳои Тоҷикистон китоби дуҷилдаи раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ таҳти унвони «Абармарди таърихсоз» рӯнамоӣ гардид. Дар ин хусус АМИТ «Ховар» бо истинод Академияи миллии илмҳо хабар медиҳад.
Таъкид гардид, ки китоби «Абармарди таърихсоз» арзиши баланди илмию таърихӣ ва сиёсию таҳқиқотӣ дошта, бо 3 забон- тоҷикӣ, русӣ ва англисӣ таълиф шудааст.
Китоб яке аз муҳимтарин асарҳои таҳқиқотии академик Фарҳод Раҳимӣ мебошад, ки мақсади он инъикоси саҳми таърихӣ, сиёсӣ ва давлатсозии Президенти Тоҷикистон муҳтарам Эмомалӣ Раҳмон дар даврони истиқлол аст. Асар бо такя ба далелҳо, ҳуҷҷатҳо, рӯйдодҳои муҳим ва таҳлилҳои илмӣ навишта шуда, фаъолияти Пешвои миллатро дар марҳалаҳои гуногун — аз барқарорсозии сулҳ ва ваҳдат то эҳёи иқтисод, фарҳанг, илм ва ҷойгоҳи байналмилалии Тоҷикистон бо равиши илмии асоснок бозтоб медиҳад. Гирдоварӣ ва таҳлили асосҳои илмии ин раванд имконият медиҳад, ки ҷомеа воқеияти таърихиро дақиқ дарк намояд.
Иброз гардид, ки китоб дар шароити имрӯзаи ҷаҳони муосир беҳтарин роҳнамо барои ҷавонон дар омӯзиши ҳифзу муаррифии давлатдории миллӣ, арзишҳои миллӣ, ҳидоят ба худшиносии миллӣ, таҳаввули тафаккури миллӣ, тақвияти ҷаҳонбинии аҳли ҷомеа, ифтихори миллӣ ва риояи меъёрҳои ахлоқию илмӣ мебошад.
Китоби «Абармарди таърихсоз» барои омӯзиши таҷрибаи давлатсозӣ, таҳкими ваҳдати миллӣ ва рушди худшиносии миллӣ манбаи арзишманд мебошад.
АКС: Академияи миллии илмҳои Тоҷикистон
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
