Ҳайати ҳунарии Театри давлатии академии опера ва балет дар Операи Рим ҳунарнамоӣ менамояд
ДУШАНБЕ, 23.11.2025 /АМИТ «Ховар»/. Ҳайати ҳунарии Театри давлатии академии опера ва балети ба номи Садриддин Айнӣ соли 2026 дар Операи Рим ҳунарнамоӣ хоҳад кард. Дар ин хусус ба АМИТ «Ховар» аз ин театр хабар доданд.
Барномаи ҳунарии кормандони театр бахшида ба 35-солагии Истиқлоли давлатӣ намоиш дода шуда, дар доираи он баргузории галаконсерт дар назар аст. Дар он сарояндагони пешбари операю хор таҳти роҳбарии Ҳунарпешаи шоистаи Ҷумҳурии Тоҷикистон Елена Тиллоева ва оркестри симфонӣ таҳти роҳбарии Анвар Шоймуродов иштирок менамоянд.
Ёдовар мешавем, ки 6 марти соли 2025 дар Театри «Gymnase Marie Bell»-и Париж намоиши театрии ҳунармандони Театри давлатии академии опера ва балети ба номи С. Айнӣ таҳти унвони «Дивертисмент» баргузор гардид.
Намоиш аз ҷониби Театри давлатии опера ва балети ба номи С. Айнӣ дар ҳамкорӣ бо ташкилоти «France UNESCO Art Culture» ва Сафорати Ҷумҳурии Тоҷикистон дар Фаронса баргузор карда шуд.
Ҳунармандони тоҷик дар саҳнаи ин театри қадимии Париж шоҳкориҳои балети тоҷик, аз ҷумла «Шопенинаи бузург», «Дон Кихот», «Фаввораи Боғчасарой», «Илҳом аз Осиё» ва «Каприз Паганини»-ро намоиш дода, санъати балети тоҷикро пешкаши ҳаводорони асили балет гардониданд.
АКС: Театри давлатии академии опера ва балети ба номи Садриддин Айнӣ
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
