Бахшида ба 570-солагии Камолиддини Беҳзод конференсияи байналмилалӣ баргузор мегардад
ДУШАНБЕ, 25.11.2025 /АМИТ «Ховар»/. 26 ноябр дар шаҳри Душанбе бахшида ба 570-солагии мусаввири барҷастаи тоҷик Камолиддини Беҳзод конференсияи байналмилалӣ баргузор мегардад, хабар медиҳад АМИТ «Ховар».
Конференсия таҳти унвони «Таъсири байнифарҳангӣ дар санъати миниатюра ва нақши Камолиддини Беҳзод» бо ташаббуси Донишкадаи давлатии санъати тасвирӣ ва дизайни Тоҷикистон баргузор шуда, дар он олимону муҳаққиқон аз Узбекистон, Қазоқистон, Русия ва Фаронса иштирок мекунанд.
Самтҳои асосии конференсия аз усулҳои бадеӣ ва рамзҳо дар миниатюра, таъсири Беҳзод ба мактабҳои ҳунарии Эрон ва Ҳинд, нақши миниатюраҳо дар интиқоли дониши таърихӣ ва аҳамияти ҳунари Беҳзод дар асри XXI иборат мебошанд.
Бояд гуфт, ки Камолиддини Беҳзод бузургтарин мусаввир, наққош ва миниатюрнигори тоҷик мебошад, ки дар Шарқ бо номи ифтихории «Монии Сонӣ» ва дар Ғарб бо номи «Рафаэли Шарқ» шуҳрат дорад. Муосиронаш ӯро «қоиди мусаввирон», «ягонаи замона» ва «нодири даврон» ном бурдаанд.
Дар охири асри 14 ва ибтидои асри 15 мактаби минётурнигории Ҳирот таъсис ёфта буд, ки Камолиддини Беҳзод намояндаи бузургтарини ин мактаби эҷодӣ мебошад.
Реализми осори Беҳзод бештар дар нигоришҳое падидор мешавад, ки ҳаёти воқеии халқро ифода мекунанд. Камолиддини Беҳзод инчунин баъзе лавҳаю манзараҳои этнографӣ низ кашидааст, ки арзиши баланди ҳунарию эстетикӣ ва таърихӣ доранд.
АКС аз бойгонӣ
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
