Дар Суғд ба 60 нафар занони ҳунарманд гранти Раиси вилоят супорида шуд
ДУШАНБЕ, 05.11.2025 /АМИТ «Ховар»/. 3 ноябр ба 60 нафар занони ҳунарманди вилояти Суғд гранти Раиси вилоят супорида шуд. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Иттилоъ дода шуд, ки бо мақсади рушди ҳунарҳои мардумӣ ва дастгирии занони ҳунарманд соли равон 60 гранти Раиси вилоят дар ҳаҷмҳои гуногун аз 5000 то 10 ҳазор сомонӣ таъсис дода шудааст.
Ба комиссияи грантҳои Раиси вилояти Суғд 105 лоиҳа пешниҳод гардид, ки беҳтаринҳо дастгирӣ ёфтанд. Дар доираи лоиҳа, беш аз 650 нафар занону духтарон бо омӯзиш ва фаъолияти меҳнатӣ фаро гирифта мешаванд.
Иброз шуд, ки занони ҳунарманд ният доранд, ки бо истифода аз маблағи грантӣ доираи фаъолияти коргоҳҳои худро васеъ намуда, ҷойҳои нави корӣ таъсис диҳанд.
Иттилоъ дода шуд, ки бо дастгириҳои пайвастаи Президенти мамлакат муҳтарам Эмомалӣ Раҳмон айни замон дар вилоят 288 маркази таълимӣ-истеҳсолӣ, аз ҷумла 108 маркази атласу адрасбофӣ фаъолият доранд. Дар ин марказҳо беш аз 30 ҳазор занону духтарон ба омӯзиши ҳунарҳои миллӣ машғуланд.
Ёдовар мешавем, ки соли 2025 бо Қарори Ҳукумати Ҷумҳурии Тоҷикистон грантҳои Президенти Ҷумҳурии Тоҷикистон ба 200 грант ба андозаи 15 миллион сомонӣ расонида шуд (соли 2024 120 грант ба маблағи 5 миллион сомонӣ), яъне ҳаҷми грантҳои президентӣ 3 баробар зиёд карда шуд.
Соли 2025 аз вилояти Суғд 39 нафар занони фаъол бо пешниҳоди лоиҳаҳои худ соҳиби гранти президентӣ гардиданд.
АКС: Хадамоти матбуоти Раиси вилояти Суғд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
