Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
ДУШАНБЕ, 06.11.2025 /АМИТ «Ховар»/. Пахтакорони вилояти Хатлон нақшаи ҷамъоварии солонаи пахтаро дар соли 2025 пурра иҷро намуданд. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
Соли равон кишоварзони вилояти Хатлон дар 108 ҳазору 265 гектар пунбадона кишт намуда, то имрӯз беш аз 254 ҳазор тонна пахта ҷамъоварӣ карданд. Ин нишондиҳанда дар муқоиса бо соли 2024 127 ҳазор тонна зиёдтар мебошад.
Имрӯз зимни ҳамоиш ба муносибати Рӯзи Конститутсияи Ҷумҳурии Тоҷикистон ва истиқбол аз ин дастоварди арзандаи кишоварзон, Раиси вилояти Хатлон Давлаталӣ Саид иброз намуд, ки иҷрои нақшаи ҷамъоварии пахта далели заҳмати шабонарӯзӣ, масъулиятшиносӣ ва садоқати сокинони вилоят ба Ватани маҳбубамон мебошад.
Ҳамчунин гуфта шуд, ки соли равон ҳосилнокии миёна аз ҳар гектари замини кишти пахта 23,4 сентнерро ташкил дод, ки нисбат ба соли 2024 11,7 сентнер зиёд аст.
Таъкид гардид, ки ин натиҷаҳо аз дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва меҳнати софдилонаи деҳқонон, риояи агротехникаи замонавӣ ва истифодаи тухмиҳои хушсифат шаҳодат медиҳанд.
Иттилоъ дода шуд, ки дар соли 2026 нақшаи кишти пахтаи зериплёнка зиёда аз 50 ҳазор гектар пешбинӣ карда мешавад.
Дар ин рӯз як зумра кишоварзони вилоят бо “Ифтихорнома” ва туҳфаҳои арзиманд қадрдонӣ гардиданд.
АКС: Хадамоти матбуоти Раиси вилояти Хатлон
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
